पुंडलिकनगरमध्ये गुंडाचा गोळीबार
महाराष्ट्र टाइम्स•
छत्रपती संभाजीनगरमध्ये पुंडलिकनगर येथे जुन्या वादातून एका व्यक्तीवर गोळीबार झाला. कुख्यात गुंड शुभम जाटने शिवशाहीनगर परिसरात एका घरासमोर हा हल्ला केला. त्याच्यासोबत इतरही जण होते. पोलिसांनी शुभम जाटला ताब्यात घेतले आहे. या घटनेमुळे परिसरात खळबळ उडाली आहे. पोलिसांनी पुढील तपास सुरू केला आहे.
सचिन लाहोट हे कंत्राटी सफाईकामगार असून ते कुटुंबासोबत राहतात. सोमवारी सकाळी ते घरात झोपले होते. अचानक त्यांना शिवीगाळ आणि आरडाओरडा ऐकू आला. खिडकीतून पाहिल्यावर त्यांना शुभम जाट , मयूर संजय उनगे, शिवा उर्फ छोट्या रमेश भालेराव, गोल्या उर्फ विजय दिनकर धनई, मनोज संजय पडूळ, सागर राऊत आणि अमर उर्फ अतुल पवार दिसले. शुभम जाट ‘सचिन बाहर आजा, आज तुझे खतम करना है,’ असे ओरडत होता. त्याच्या हातात बंदूक होती, तर इतरांच्या हातात तलवारी आणि चाकू होते. त्यानंतर सर्वजण पळून गेले.या घटनेची माहिती मिळताच पोलिस उपायुक्त प्रशांत स्वामी आणि इतर वरिष्ठ अधिकारी घटनास्थळी दाखल झाले. पोलिसांनी तातडीने कारवाई करत शुभम जाटने ताब्यात घेतले आहे. या प्रकरणाचा पुढील तपास सुरू आहे.
हेही वाचा
भारतात आता चित्त्यांचे झाले ‘अर्धशतक’
पश्चिम आशियात युद्ध चिघळले
मॉरिशस घेणार महाराष्ट्राचा कांदा
साखर उत्पादनात महाराष्ट्र अव्वल
देशातील साखरेच्या उत्पादनात महाराष्ट्र अव्वल
मंगळवार, १० मार्च २०२६
भारतीयांच्या सुटकेसाठी प्रयत्नशील
रामेश्वर रुई येथे कुस्ती स्पर्धा
महिलेचा खूनच, ओळख पटली
‘ईडब्ल्यूएस’ सदनिका वादात