‘त्रिभाषा सूत्राच्या निर्णयाआधी वेळ द्या’

राज्यातील त्रिभाषा सूत्राबाबत निर्णय घेण्यापूर्वी विचारविनिमयासाठी वेळ द्यावा, अशी मागणी राज्याच्या भाषा सल्लागार समितीने केली आहे. पहिलीपासून हिंदी किंवा इतर भारतीय भाषा शिकविण्याचा निर्णय मराठी भाषेसाठी घातक ठरू शकतो, तसेच विद्यार्थ्यांवर अतिरिक्त शैक्षणिक ताण येईल, असा समितीचा आक्षेप आहे. महाराष्ट्राने १९७० पासून केंद्र सरकारचे त्रिभाषा धोरण स्वीकारले आहे.