विद्यार्थ्याकडून वर्गातच विद्यार्थिनीची हत्या
महाराष्ट्र टाइम्स•
पंजाबमधील तरनतारन जिल्ह्यात धक्कादायक घटना घडली. एका विधी शाखेच्या विद्यार्थ्याने वर्गातच एका विद्यार्थिनीची गोळी झाडून हत्या केली. यानंतर त्याने स्वतःवरही गोळी झाडून घेतली. ही घटना उस्मा गावातील कॉलेजमध्ये घडली. पोलिसांनी तपास सुरू केला आहे. मृत विद्यार्थिनीचे नाव संदीप कौर असून, आरोपी विद्यार्थ्याचे नाव प्रिन्स राज आहे. प्रिन्स गंभीर जखमी असून रुग्णालयात उपचार सुरू आहेत.
सोमवारी सकाळी वर्ग सुरू होण्यापूर्वीच हा थरार घडला. प्रिन्स राज अचानक आपल्या जागेवरून उठला आणि त्याने संदीप कौरच्या डोक्यात गोळी झाडली. या हल्ल्यात संदीप कौर जागीच ठार झाली. त्यानंतर प्रिन्सने स्वतःच्या डोक्यातही गोळी झाडून घेतली आणि तो खाली कोसळला. गोळीबाराचा आवाज ऐकून इतर विद्यार्थी मदतीसाठी धावले.प्रिन्स राज या घटनेत गंभीर जखमी झाला असून, त्याला तातडीने रुग्णालयात दाखल करण्यात आले आहे. त्याची प्रकृती चिंताजनक असल्याचे सांगण्यात येत आहे. मृत संदीप कौर आणि आरोपी प्रिन्स राज दोघेही १९ ते २० वयोगटातील होते. पोलीस या घटनेचा अधिक तपास करत असून, हत्येमागील नेमके कारण शोधण्याचा प्रयत्न करत आहेत. या घटनेमुळे परिसरात मोठी खळबळ उडाली आहे.
हेही वाचा
जळगावात ‘नाशिक प्रॉपर्टी एक्स्पो’
‘लग्न पूर्ववत होणे कठीण’
राज्यातील हवाई वाहतुकीचा विस्तार
अध्यासन केंद्रांचे उद्या उदघाटन
टँकरच्या धडकेत तरुण ठार
पॉवरप्लेमध्येच सामना निसटला
‘हा तर जनादेशाचा विश्वासघात’
‘गिरणी कामगारांचा संप अकाली व अप्रस्तुत’
‘मोदींनी लाखो लोकांना मुख्य प्रवाहात आणले’
सामन्यांची तिकिटे न मिळाल्याने आमदार नाराज
