‘मार्गदर्शक तत्त्वे आखा’

सायबर गुन्ह्यांद्वारे होणाऱ्या ५४ हजार कोटींहून अधिक रुपयांच्या लुटीवर सर्वोच्च न्यायालयाने चिंता व्यक्त केली. हे गुन्हे रोखण्यासाठी केंद्र सरकारने रिझर्व्ह बँक, बँका आणि दूरसंचार विभागाशी चर्चा करून मार्गदर्शक तत्त्वांचा मसुदा तयार करावा, असे निर्देश न्यायालयाने दिले. या प्रकरणावर चार आठवड्यांत सुनावणी होणार असून, स्थितीदर्शक अहवाल सादर करण्यास सांगितले आहे. पीडितांना नुकसानभरपाई देण्याबाबतही विचार करण्याचे निर्देश दिले आहेत.