ऐसे निश्चयाचे बळ!
महाराष्ट्र टाइम्स•
नियतीने एका दिव्यांगावर आघात केला. आईवडिलांचे छत्र हरपल्यानंतर आजी-आजोबांनी त्याला सांभाळले. संजय गांधी निराधार योजनेतून मिळणारी पेन्शन हा त्याचा आर्थिक आधार होता. दिव्यांग असल्याने त्याला व्यवसायासाठी सरकारी दरात जागा मिळण्याचा हक्क होता. या हक्कासाठी त्याने तब्बल दहा वर्षे पाठपुरावा केला. अखेर जिल्हा प्रशासनाने त्याला २०० चौरस फुटांची जागा देण्याचा निर्णय घेतला. जिल्हाधिकाऱ्यांच्या हस्ते त्याला जागेचा आदेश मिळाला.
दिव्यांगत्वाचे जिल्हा शल्यचिकित्सकांचे प्रमाणपत्र आणि इतर आवश्यक कागदपत्रे जमवली. तांत्रिक अडचणी आणि इतर कारणांमुळे त्याला देवळा तहसील कार्यालयापासून जिल्हाधिकारी कार्यालयापर्यंत अनेक हेलपाटे मारावे लागले. आपल्या शारीरिक मर्यादांकडे दुर्लक्ष करून त्याने पाठपुरावा सुरूच ठेवला. देवळ्याचे तत्कालीन तहसीलदार कैलास पवार, विजय सूर्यवंशी, मंदार कुलकर्णी, जिल्हा दिव्यांग सक्षमीकरण अधिकारी संजय शिंदे, वैद्यकीय सामाजिक कार्यकर्ता भरत चौधरी, तसेच तत्कालीन जिल्हाधिकारी जलज शर्मा आणि जिल्हाधिकारी आयुष प्रसाद यांनी त्याला प्रस्ताव मार्गी लावण्यासाठी वेळोवेळी मदत केली.भूमी अभिलेखच्या उपअधीक्षकांनी मोजणी नकाशा उपलब्ध करून दिल्यानंतर, जिल्हा प्रशासनाने अनुप यांना कराराद्वारे २०० चौरस फुटांची जागा कब्जेहक्काने देण्याचा निर्णय घेतला. हा आदेश जिल्हाधिकारी आयुष प्रसाद यांच्या हस्ते अनुप यांना देण्यात आला. या जागेमुळे त्याला स्वतःचा व्यवसाय सुरू करून आर्थिकदृष्ट्या सक्षम होण्याची नवी उमेद मिळाली आहे. त्याच्या या जिद्दीला आणि चिकाटीला सलाम!
हेही वाचा
जळगावात ‘नाशिक प्रॉपर्टी एक्स्पो’
‘लग्न पूर्ववत होणे कठीण’
राज्यातील हवाई वाहतुकीचा विस्तार
अध्यासन केंद्रांचे उद्या उदघाटन
टँकरच्या धडकेत तरुण ठार
पॉवरप्लेमध्येच सामना निसटला
‘हा तर जनादेशाचा विश्वासघात’
‘गिरणी कामगारांचा संप अकाली व अप्रस्तुत’
‘मोदींनी लाखो लोकांना मुख्य प्रवाहात आणले’
सामन्यांची तिकिटे न मिळाल्याने आमदार नाराज
