‘अजितदादांना कधीच विसरणार नाही’
महाराष्ट्र टाइम्स•
आमदार रोहित पवार यांनी अजित पवारांच्या विमान अपघाताला घातपात म्हटले आहे. यावर माजी राज्यपाल भगतसिंह कोश्यारी यांनी प्रतिक्रिया दिली. अजित पवार हे मोठे नेते होते आणि त्यांनी कधीही टीका केली नाही, असे कोश्यारी म्हणाले. रोहित पवारांनी चौकशीची मागणी करावी, असा सल्लाही त्यांनी दिला. अजित पवारांच्या आठवणींना कोश्यारी यांनी उजाळा दिला.
पत्रकार परिषदेत बोलताना आमदार रोहित पवार यांनी अजित पवार यांच्या विमान अपघातावर प्रश्नचिन्ह उपस्थित केले होते. हा अपघात नसून घातपात असल्याचा गंभीर आरोप त्यांनी केला. या आरोपांवर माजी राज्यपाल भगतसिंह कोश्यारी यांनी आपले मत व्यक्त केले.कोश्यारी यांनी अजित पवार यांच्या आठवणींना उजाळा दिला. ते म्हणाले की, "अजित पवार एक मोठे नेते होते. राज्यात माझ्यावर अनेकदा टीका झाली. मला दूषणे देण्यात आली, पण अजितदादांनी माझ्यावर कधीच टीका केली नाही. माझ्या विरोधात ते कधीही बोलले नाहीत. मी अजितदादा यांना कधीच विसरणार नाही."
याचबरोबर, रोहित पवार यांनी केलेल्या आरोपांवर कोश्यारी यांनी त्यांना एक महत्त्वाचा सल्ला दिला. "रोहित पवार यांना घातपात वाटत असेल तर त्यांनी सरकारकडे चौकशीची मागणी करावी," असे ते म्हणाले. यातून या प्रकरणाची सत्यता समोर येईल, असे त्यांचे म्हणणे होते.
हेही वाचा
जळगावात ‘नाशिक प्रॉपर्टी एक्स्पो’
‘लग्न पूर्ववत होणे कठीण’
राज्यातील हवाई वाहतुकीचा विस्तार
अध्यासन केंद्रांचे उद्या उदघाटन
टँकरच्या धडकेत तरुण ठार
पॉवरप्लेमध्येच सामना निसटला
‘हा तर जनादेशाचा विश्वासघात’
‘गिरणी कामगारांचा संप अकाली व अप्रस्तुत’
‘मोदींनी लाखो लोकांना मुख्य प्रवाहात आणले’
सामन्यांची तिकिटे न मिळाल्याने आमदार नाराज
