हस्ताक्षर स्पर्धेचाशुक्रवारी निकाल
महाराष्ट्र टाइम्स•
पुणे मराठी ग्रंथालय आणि महाराष्ट्र टाइम्सने आयोजित केलेल्या देवनागरी हस्ताक्षर स्पर्धेचा निकाल शुक्रवारी लागणार आहे. या स्पर्धेत विविध वयोगटांतील ८६५ स्पर्धकांनी भाग घेतला होता. मराठी राजभाषा दिनाचे औचित्य साधून २७ फेब्रुवारी रोजी सायंकाळी सहा वाजता पुणे मराठी ग्रंथालयाच्या सभागृहात विजेत्यांना पारितोषिके दिली जातील. या कार्यक्रमाला मान्यवर उपस्थित राहणार आहेत.
‘निर्मलाताई दाबके स्मरणार्थ देवनागरी हस्ताक्षर स्पर्धा ’ २७ डिसेंबर रोजी आयोजित करण्यात आली होती. या स्पर्धेत लहान मुलांपासून ते ९९ वर्षांच्या ज्येष्ठांपर्यंत सर्वांनीच उत्स्फूर्तपणे सहभाग घेतला. मराठी राजभाषा दिनाचे औचित्य साधून या स्पर्धेतील विजेत्यांना गौरविण्यात येणार आहे.पुणे मराठी ग्रंथालयाच्या सभागृहात होणाऱ्या या पारितोषिक वितरण समारंभाला ‘जडणघडण’ मासिकाचे संपादक डॉ. सागर देशपांडे, स्पर्धेसाठी सहकार्य करणारे संजीव दाबके आणि ‘महाराष्ट्र टाइम्स’च्या पुणे आवृत्तीचे निवासी संपादक श्रीधर लोणी उपस्थित राहणार आहेत. तसेच ग्रंथालयाचे पदाधिकारीही या कार्यक्रमाला उपस्थित राहतील. या स्पर्धेचा उद्देश हा देवनागरी लिपीतील हस्ताक्षराला प्रोत्साहन देणे हा आहे.
हेही वाचा
दूतावास सुरू होणार
ट्रम्प ‘टेरिफ’१५ टक्क्यांवर
परीक्षा दिली अन् झाला बेपत्ता
आंदोलक आमदार बलपूर्वक बाहेर
संजय राऊतांची दिलगिरी
‘हॅपी स्ट्रीट’ची आज धम्माल
कामगारांच्या सुप्त कलागुणांना वाव
भारतीय वंशाच्या विधिज्ञाची महत्त्वाची भूमिका
एसटी कर्मचाऱ्यांना थकीत वेतन मिळणार
‘बालभारती’चे मुखपृष्ठ बोलणार विद्यार्थ्यांशी!