प्रदूषणामुळे बॅडमिंटनपटूची माघार

दिल्लीतील वाढत्या प्रदूषणामुळे डेन्मार्कचा अव्वल बॅडमिंटनपटू अँडर्स अँटॉनसनने इंडिया ओपन स्पर्धेतून माघार घेतली आहे. सलग तिसऱ्यांदा हा खेळाडू स्पर्धेत खेळणार नाही. या निर्णयामुळे त्याला पाच हजार डॉलरचा दंडही ठोठावण्यात आला आहे. अँटॉनसनने स्पर्धेच्या आयोजनावर प्रश्नचिन्ह उपस्थित केले आहे. ऑगस्टमध्ये होणाऱ्या जागतिक स्पर्धेपूर्वी प्रदूषण कमी होण्याची आशा त्याने व्यक्त केली आहे.