खेडकरच्या बंगल्यातदरोडा; एकास अटक
महाराष्ट्र टाइम्स•
पुण्यातील औंध येथील पूजा खेडकरच्या बंगल्यात दरोडा पडला. चोरांनी बंगल्यातील नोकराच्या मदतीने खेडकर कुटुंबियांना गुंगीचे औषध दिले. कपाटातील मौल्यवान वस्तूंची चोरी झाली. पोलिसांनी एका आरोपीला अटक केली असून पुढील तपास सुरू आहे. चोरीला गेलेल्या वस्तूंचा शोध घेतला जात आहे.
पोलिसांनी दिलेल्या माहितीनुसार, ही धक्कादायक घटना ११ जानेवारीच्या मध्यरात्री घडली. बंगल्यातील नोकरानेच पूजा खेडकर यांना दोरीने बांधून ठेवले. त्याचबरोबर, पूजा खेडकर यांचे वडील दिलीप खेडकर, आई मनोरमा खेडकर, चालक, स्वयंपाकी आणि सुरक्षारक्षक यांना गुंगीचे औषध देऊन बेशुद्ध करण्यात आले. यानंतर, चोरट्यांनी कपाटातील मौल्यवान वस्तू आणि दागिने लंपास केले. या प्रकरणी पूजा खेडकर यांनी चतुःश्रृंगी पोलिसांकडे धाव घेतली.पोलिसांनी तातडीने कारवाई करत खम्मो शाहीला अटक केली. त्याला न्यायालयासमोर हजर करण्यात आले. सरकारी वकील झोरे यांनी न्यायालयात युक्तिवाद केला की, "कोणत्या मौल्यवान वस्तू, दागिने व रोकड चोरीला गेली, याबाबत तपास करायचा आहे. त्यामुळे आरोपी हिकमत शाहीला पोलिस कोठडी सुनावण्यात यावी." या युक्तिवादावर न्यायालयाने आरोपीला १८ जानेवारीपर्यंत पोलिस कोठडी सुनावली आहे. या घटनेत आणखी कोणकोण सामील आहे, याचा तपास पोलीस करत आहेत. चोरीला गेलेल्या वस्तूंचा तपशीलही लवकरच समोर येण्याची शक्यता आहे.
हेही वाचा
सावधगिरी महत्त्वाची!
रक्तदानाचा जागर कलेतून
गणेशोत्सवातील गर्दी लक्ष्य
‘हार्टबीट्स’ पुन्हा रसिकभेटीला
नदीतील कचऱ्याविरोधात विद्यार्थी उतरले रस्त्यावर
अंगारवाडीचा तेलप्रश्न
युद्धाची बाजारात दहशत
पुस्तक प्रकाशित करायचे आहे?
आदिवासी पाड्यांत अन्नधान्य वाटप
‘त्रिभाषा सूत्राच्या निर्णयाआधी वेळ द्या’