मकोकातील आरोपी गजाआड

गुन्हेशाखेच्या युनिट सहाने एका मोठ्या कारवाईत खुनाच्या व मकोका प्रकरणात फरार असलेल्या विशाल रामचंद्र मानेकर या आरोपीला अटक केली आहे. हा आरोपी अनेक दिवसांपासून पोलिसांना गुंगारा देत होता. ओळख लपवून तो नागपुरात राहत होता. गुप्त माहितीच्या आधारे पोलिसांनी सापळा रचून त्याला पकडले. त्याला पुढील तपासासाठी भंडारा पोलिसांच्या ताब्यात देण्यात आले आहे.