उपमुख्याधिकाऱ्यांनाजीवे मारण्याची धमकी
महाराष्ट्र टाइम्स•
भंडारा नगरपरिषद कार्यालयात उपमुख्याधिकारी आकाश सहारे यांच्या कक्षात घुसून एका व्यक्तीने त्यांना शिवीगाळ केली. आरोपी इकराम खान याने विवाह नोंदणीसाठी दबाव टाकला. नियमानुसार प्रक्रिया करण्यास सांगितल्यावर त्याने उपमुख्याधिकाऱ्यांना जीवे मारण्याची धमकी दिली. पोलिसांनी आरोपीविरुद्ध शासकीय कामात अडथळा आणल्याप्रकरणी गुन्हा दाखल केला आहे.
शुक्रवारी दुपारी १२.३० वाजताच्या सुमारास भंडारा नगरपरिषद कार्यालयात उपमुख्याधिकारी आकाश दिलीप सहारे (वय ३६) आपल्या केबिनमध्ये बसून शासकीय कामे करत होते. त्याचवेळी भंडारा येथील रहिवासी असलेला आरोपी इकराम खान (वय ३१) त्यांच्या केबिनमध्ये घुसला. त्याने उपमुख्याधिकाऱ्यांवर दबाव टाकत, "आमची विवाह नोंदणी आत्ताच्या आत्ता करून द्या" अशी मागणी केली.जेव्हा उपमुख्याधिकाऱ्यांनी त्याला नियमानुसार प्रक्रिया पूर्ण करण्यास सांगितले, तेव्हा आरोपीने अधिकाऱ्याला शिवीगाळ केली. इतकेच नाही, तर त्याने उपमुख्याधिकाऱ्यांना जीवे मारण्याची धमकीही दिली. या प्रकारानंतर भंडारा पोलिसांनी आरोपी इकराम खान याच्याविरुद्ध शासकीय कामात अडथळा निर्माण केल्याप्रकरणी गुन्हा दाखल केला आहे.
हेही वाचा
‘जेएनपीटी’वर अडकले कंटेनर
बोईसरमध्ये वायुगळती;कामगारांना श्वसन त्रास
‘बीओटी’ प्रकल्पाला पालिकेची पुन्हा चाल
जिल्ह्यातील कोट्यवधीची निर्यात ठप्प
अमेरिकेबरोबर काम करण्यास तयार
ओलियम वायूगळतीचा कामगारांना त्रास
ज्येष्ठ शिक्षणतज्ज्ञ, माजी खासदार डॉ. जनार्दन वाघमारे यांचे निधन
खामेनींसाठी काश्मीरमध्ये निदर्शने
मराठवाड्यातील १०० जण सुखरूप
इराणकडून जोरदार प्रतिहल्ला