अधिक लँडिंग सुविधादेण्याची आसामची मागणी

पंतप्रधान नरेंद्र मोदी यांनी ईशान्येकडील पहिल्या ‘ईएलएफ’चे ( Emergency Landing Facility) उद्घाटन केले असून, आसाममध्ये आणखी चार विमानतळ बांधण्यासाठी राज्य सरकार नागरी विमान वाहतूक मंत्रालयासोबत करार करणार आहे. दुसरीकडे, महाराष्ट्र दहशतवाद विरोधी पथकाने (ATS) राज्यात घातपाती कारवाया घडवण्याच्या संशयावरून यवतमाळ, पुसद, उमरखेड आणि अहिल्यानगर येथे धाडी टाकून काही संशयितांना ताब्यात घेतले आहे. दरम्यान, पंजाबचे मुख्यमंत्री भगवंत मान यांना तपासणीसाठी रुग्णालयात दाखल करण्यात आले आहे, तर अमेरिकेच्या म्हणण्यानुसार भारताने रशियाकडून तेलखरेदी थांबवण्याची हमी दिली आहे.

आसामचे मुख्यमंत्री हिमंता बिस्वशर्मा यांनी सांगितले की, राज्यात अधिक आपत्कालीन लँडिंग सुविधांची मागणी करण्यासाठी केंद्राला पत्र लिहिले जाईल. पुढील महिन्यात माजुली, दिफू, उमरांगसो आणि मानस येथे नवीन विमानतळ बांधण्याबाबत अभ्यास करण्यासाठी आसाम सरकार नागरी विमान वाहतूक मंत्रालयासोबत करार करेल.

महाराष्ट्र दहशतवाद विरोधी पथकाने (ATS) राज्यात घातपाती कारवाया घडवण्याचा कट रचला जात असल्याच्या संशयावरून यवतमाळ, पुसद, उमरखेड आणि अहिल्यानगर येथे शनिवारी मध्यरात्रीपासून कारवाई सुरू केली. पुसद आणि उमरखेड शहरांमध्ये २० एटीएस पथकांनी एकाच वेळी धाडी टाकल्या. या कारवाईत अनेक संशयितांना ताब्यात घेण्यात आले. अहिल्यानगरमधील धाडींमध्ये काही तलवारी जप्त करण्यात आल्या आहेत.

पंजाबचे मुख्यमंत्री भगवंत मान यांना रविवारी तपासणीसाठी मोहालीतील रुग्णालयात नेण्यात आले. त्यांनी संगरूरमध्ये ‘आप’चे प्रमुख अरविंद केजरीवाल यांच्यासोबत महाशिवरात्रीनिमित्त मंदिरात पूजा केली होती. यानंतर त्यांचे नियोजित कार्यक्रम रद्द करण्यात आले आहेत.

अमेरिकेचे परराष्ट्र मंत्री मार्को रुबिया यांनी सांगितले की, ‘भारताने रशियाकडून तेलखरेदी थांबवण्याची हमी दिली आहे.’ रशिया-युक्रेन युद्ध आणि मॉस्कोवर लादलेल्या निर्बंधांवरील प्रश्नाचे उत्तर देताना रुबियो यांनी हे विधान केले.