‘शानदार कारकिर्दीसाठी तुझे अभिनंदन साईना...’
महाराष्ट्र टाइम्स•
भारताची स्टार बॅडमिंटनपटू साईना नेहवाल हिने नुकतीच निवृत्ती जाहीर केली. यावर पी. व्ही. सिंधू आणि विराट कोहली यांनी तिला शुभेच्छा दिल्या. साईनाने भारतीय बॅडमिंटनला जागतिक स्तरावर ओळख मिळवून दिली. तिने ऑलिम्पिकमध्ये भारताला पहिले पदक मिळवून दिले. सिंधूने साईनाच्या योगदानाबद्दल आभार मानले. पुढील वाटचालीस दोघांनीही शुभेच्छा दिल्या.
विराट कोहलीने एक्स (पूर्वीचे ट्विटर) वर सायनाला शुभेच्छा देताना म्हटले, ‘ साईना नेहवाल ... शानदार कारकिर्दीसाठी तुला मनापासून शुभेच्छा. जगाच्या नकाशावर तू भारतीय बॅडमिंटनला ओळख मिळवून दिलीस. तुझी पुढील वाटचाल आनंददायी, समाधानकारक असेल यासाठी शुभेच्छा. भारतीयांना तुझा अभिमान वाटतो’. सायनाने चिनी खेळाडूंच्या वर्चस्वाला आव्हान देत स्वतःची वेगळी ओळख निर्माण केली होती.भारताला सलग दोन ऑलिम्पिक पदके जिंकून देणारी पी. व्ही. सिंधू हिनेही सोशल मीडियावर सायनाला निवृत्तीच्या शुभेच्छा दिल्या. तिने म्हटले, ‘साईना तुला निवृत्तीच्या शुभेच्छा. तू भारतीय बॅडमिंटनसाठी दिलेल्या भरीव योगदानासाठी खूप धन्यवाद. आयुष्याच्या या पुढील टप्प्यात तुला शांती, आनंद लाभो. पुन्हा एकदा खूप सार्या शुभेच्छा’. सायनाच्या निवृत्तीनंतर सिंधूची प्रतिक्रिया येणे स्वाभाविकच होते.
हेही वाचा
कर्बवायूचा जैविक परिणाम
दुबई विमानतळाजवळ ड्रोनहल्ला
पाकच्या ड्रोनमधूनजम्मूत हेरॉइन
‘काळाबाजार केल्यास याद राखा’
मुख्यमंत्र्यांकडून पाहणी
बीएसएफच्या अधिकाऱ्यांवर हल्ला
सामाजिक संस्थांना ३० लाखांचा निधी
‘राज्यघटनेच्या आत्म्याचे प्रतीक’
तीन वर्षांत धावेल१५० किलोमीटर मेट्रो
‘बाई तुझ्यापायी’ला परीक्षकांची पसंती
