पोलिस उपनिरीक्षकावर हल्ला; दोघांविरोधात गुन्हा

गस्तीवर असलेल्या पोलिस उपनिरीक्षक ाला शिवीगाळ करत मारहाण करून जिवंत जाळण्याची धमकी दिल्याची धक्कादायक घटना इमामवाडा पोलिस ठाण्याच्या हद्दीत घडली. या प्रकरणी पोलिसांनी दोघांना ताब्यात घेत त्यांच्याविरुद्ध गुन्हा दाखल केला आहे. ओमेश्वर चंद्रशेखर बागडे (वय ३४, रा. नारा, कारंजा, जि. वर्धा) व विकास सुनील गडपायले (वय २५, रा. रामबाग) अशी आरोपींची नावे आहेत. मिळालेल्या माहितीनुसार, २ मार्च रोजी रात्री पोलिस उपनिरीक्षक आदित्य मडावी हे गस्तीवर होते. त्यावेळी रामबाग परिसरात आरोपी गोंधळ घालत असल्याचे दिसून आले. मडावी यांनी त्यांना तेथून निघून जाण्यास सांगितले. मात्र आरोपींनी उलट आम्हाला मारा, पण आम्ही जाणार नाही असे म्हणत वाद घालण्यास सुरुवात केली.