‘महाविकास’ने पेटवली चूल

सातारा शहरात गॅसच्या तुटवड्यामुळे सर्वसामान्यांचे हाल होत आहेत. केंद्र आणि राज्य सरकारच्या नियोजनाअभावी ही समस्या निर्माण झाली आहे. घरगुती वापरासह छोटे व्यावसायिकही यामुळे त्रस्त आहेत. या विरोधात महाविकास आघाडीने जिल्हाधिकारी कार्यालयासमोर चूल पेटवून आंदोलन केले. मुख्यमंत्र्यांना मागण्यांचे निवेदन देण्यात आले. आखाती देशांतून गॅसचा पुरवठा कमी झाल्याने जनतेला त्रास होत आहे.