अमेरिकेची दुसरी विमानवाहू नौका प. आशियात
महाराष्ट्र टाइम्स•
अमेरिकेने पश्चिम आशियात लष्करी हालचाली वाढवल्या आहेत. अध्यक्ष डोनाल्ड ट्रम्प यांनी इराणवर दबाव आणण्यासाठी जगातील सर्वात मोठी विमानवाहू नौका 'यूएसएस जेराल्ड आर. फोर्ड' पश्चिम आशियाकडे पाठवली आहे. यापूर्वी 'यूएसएस अब्राहम लिंकन' ही नौका तेथे दाखल झाली आहे. यामुळे पश्चिम आशियात अमेरिकेची दोन विमानवाहू नौका आणि युद्धनौकांची तुकडी तैनात होणार आहे.
‘द न्यूयॉर्क टाइम्स’ने दिलेल्या माहितीनुसार, ‘यूएसएस फोर्ड’ला पश्चिम आशियाकडे पाठवण्याचा निर्णय घेण्यात आला आहे. हा निर्णय अमेरिकेच्या राष्ट्रीय सुरक्षा धोरणाशी विसंगत असल्याचे मानले जात आहे. गेल्या ऑक्टोबरमध्ये ट्रम्प यांनी ‘यूएसएस फोर्ड’ला भूमध्य समुद्रातून कॅरिबियनकडे पाठवले होते. व्हेनेझुएलाचे तत्कालीन अध्यक्ष निकोलस मादुरो यांच्या अटकेसाठी गुप्त कारवाईच्या पार्श्वभूमीवर त्यावेळी मोठी लष्करी तैनाती करण्यात आली होती.दरम्यान, ट्रम्प यांनी एक्सिओस या माध्यमाला दिलेल्या मुलाखतीत दुसरी विमानवाहू तुकडी मध्यपूर्वेत पाठवण्याचा विचार सुरू असल्याचे सांगितले होते. या हालचालींमुळे इराणवर लष्करी दबाव वाढण्याची शक्यता आहे. इराणच्या अणुकार्यक्रमाबाबतच्या करारासाठी ट्रम्प प्रशासन सातत्याने दबाव वाढवत आहे. यापूर्वी ‘यूएसएस अब्राहम लिंकन’ ही विमानवाहू नौका आणि तीन लक्ष्याधारित क्षेपणास्त्र-विनाशक जहाजे दोन आठवड्यांपूर्वीच पश्चिम आशियात दाखल झाली आहेत. त्यामुळे आता मध्यपूर्वेत अमेरिकेच्या दोन मोठ्या विमानवाहू नौका आणि त्यांच्यासोबतच्या युद्धनौकांची तुकडी सज्ज असणार आहे.
हेही वाचा
न्यायाची व्याप्ती वाढावी...
टार्पोमॅटिक यंत्रणा लवकरच
राष्ट्रीय विद्यार्थी चित्रपट महोत्सव उत्साहात
अर्थसंकल्पीय आराखडा सोमवारी
‘महावितरण’समोर उद्योजकांचा अडचणींचा पाढा
अमेरिकेची तीन लढाऊ विमाने पडली
कलाकारांना मदतीचा हात
राणीच्या बागेत ‘सिंह’गर्जना दुर्मीळ
विमानतळाभोवती पर्यायी रस्ता
महापालिका कर्मचाऱ्यांना ‘आश्रय’
