‘एआय’साठी जग एकवटले

दिल्लीत ‘एआय’ समिटचे पंतप्रधान नरेंद्र मोदींच्या हस्ते उद्घाटन झाले. या समिटमध्ये जगभरातील नेते, उद्योगपती आणि तंत्रज्ञान क्षेत्रातील तज्ज्ञ सहभागी झाले आहेत. ‘भारत मंडपम’ येथे सुरू झालेल्या या परिषदेची थीम ‘सर्वजन हिताय, सर्वजन सुखाय’ अशी आहे. या परिषदेतून एआयमुळे आरोग्य, शिक्षण, कृषी, प्रशासन आणि उद्योग यांसारख्या क्षेत्रांमध्ये होणारे बदल आणि एआयच्या जबाबदार वापराबाबत जागतिक स्तरावर चर्चा केली जाईल. पंतप्रधान मोदींनी सांगितले की, १४० कोटी लोकांच्या सहभागामुळे भारत ‘एआय’ परिवर्तनात आघाडीवर आहे. या प्रदर्शनात ६०० हून अधिक स्टार्टअप्स आणि १३ देशांचे दालन आहेत. पंतप्रधानांनी स्टार्टअप्सच्या प्रतिनिधींशी संवाद साधून त्यांच्या प्रकल्पांची माहिती घेतली. दरम्यान, मुंबईत देशातील पहिली ‘ एआय लिव्हिंग प्रयोगशाळा ’ सुरू झाली आहे. महाराष्ट्र रतन टाटा कौशल्य विद्यापीठात उभारलेल्या या प्रयोगशाळेमुळे उद्योग, विद्यापीठे आणि सरकार यांच्यात समन्वय साधला जाईल.

पंतप्रधान नरेंद्र मोदी यांनी सोमवारी दिल्लीत ‘एआय’ समिटचे उद्घाटन केले. या परिषदेत जगभरातील महत्त्वाचे नेते, मोठे उद्योगपती आणि तंत्रज्ञान कंपन्यांचे प्रमुख उपस्थित होते. ‘भारत मंडपम’ येथे आयोजित या परिषदेची मुख्य संकल्पना ‘सर्वजन हिताय, सर्वजन सुखाय’ आहे. पंतप्रधान मोदींनी या वेळी सांगितले की, ‘आज एआय आरोग्य, शिक्षण, कृषी, प्रशासन आणि उद्योग यासह अनेक क्षेत्रांमध्ये परिवर्तन घडवत आहे.’

‘एआय इम्पॅक्ट समिट’मुळे एआयच्या नावीन्यपूर्ण कल्पना, सहकार्य, जबाबदार वापर आणि भविष्यातील संधी यावर जागतिक स्तरावर चर्चा होईल. पंतप्रधान मोदींना विश्वास आहे की, या परिषदेतून मिळणारे निष्कर्ष एका प्रगतीशील, नाविन्यपूर्ण आणि संधींनी भरलेल्या भविष्यासाठी उपयुक्त ठरतील. त्यांनी पुढे म्हटले की, ‘भारतातील १४० कोटी लोकांमुळे आपला देश ‘एआय’ परिवर्तनात आघाडीवर आहे.’

या प्रदर्शनात ६०० हून अधिक उच्च क्षमतेचे स्टार्टअप्स सहभागी झाले आहेत. तसेच, १३ देशांनी आपली दालने येथे मांडली आहेत. पंतप्रधानांनी प्रदर्शनातील विविध स्टॉल्सना भेट दिली. त्यांनी स्टार्टअप्सच्या प्रतिनिधींशी बोलून त्यांच्या अनोख्या प्रकल्पांची माहिती जाणून घेतली.

मुंबईत ‘एआय लिव्हिंग’ प्रयोगशाळेची उभारणी करण्यात आली आहे. स्वदेशी उद्योगांना आधुनिक तंत्रज्ञानाची जोड देण्यासाठी देशातील ही पहिली ‘एआय लिव्हिंग प्रयोगशाळा’ महाराष्ट्रात सुरू झाली आहे. ही प्रयोगशाळा महाराष्ट्र रतन टाटा कौशल्य विद्यापीठात उभारण्यात आली आहे. या नवीन उपक्रमामुळे उद्योग, विद्यापीठे आणि सरकार यांच्यात थेट संवाद आणि समन्वय साधणे सोपे होईल.