मतदान करण्यासाठी बाहेर पडलेल्या मतदारांवर पिसाळलेल्या एका कुत्र्याने हल्ला करून पंधरा नागरिकांना चावा घेतला. यात दोन लहान बालकांचा समावेश असून, एका वृद्ध नागरिकाची करंगळी कुत्र्याने तोडली आहे. दरम्यान, जखमींवर शासकीय रुग्णालयात उपचार सुरू आहेत.
जुन्या जालन्यातील कचेरी रोडवर दुपारी तीन वाजेच्या सुमारास सरस्वती भुवन आणि शनी मंदिर परिसर, काली मशीद परिसरात मतदान करण्यासाठी बाहेर पडलेल्या नागरिकांवर एका पिसाळलेल्या कुत्र्याने अचानक हल्ला केला. काही समजण्याच्या आतच एकामागोमाग एक या कुत्र्याने पंधरा नागरिकांना चावा घेतला.
