बिष्णोईच्या वकिलाचा सोशल मीडियावरून माग
महाराष्ट्र टाइम्स•
दिल्ली पोलिसांनी कुख्यात गँगस्टर लॉरेन्स बिष्णोईच्या वकिलावर गोळीबार करणाऱ्या हल्लेखोरांपैकी एकाला अटक केली. सोशल मीडियावरील माहितीचा वापर करून हल्लेखोरांनी वकिलाच्या मंदिरात जाण्याच्या वेळांची माहिती मिळवली होती. या प्रकरणात एकाला जयपूर, बँकॉक आणि दुबईला पळून जाण्यापूर्वी थायलंडमधून भारतात पाठवून अटक करण्यात आली. गुन्ह्यासाठी वापरलेली स्कूटर आणि बनावट सिमकार्ड पुरवणाऱ्या दुसऱ्या आरोपीलाही अटक झाली आहे.
उत्तर दिल्ली पोलिसांनी तब्बल ३०० हून अधिक सीसीटीव्ही फुटेज तपासल्यानंतर रोहित सोलंकीला अटक केली. सोलंकी हा पूठ कलानचा रहिवासी आहे. तो हल्ल्यानंतर जयपूरला पळाला होता. तिथून तो बँकॉकला गेला आणि पुढे दुबईला पळून जाण्याचा त्याचा प्रयत्न होता. मात्र, थायलंडमधून त्याला भारतात पाठवण्यात आले आणि दिल्लीबाहेरील एका गावातून त्याला पकडण्यात आले.दुसरीकडे, गुन्हे शाखेने पूठ कलानचाच रहिवासी असलेल्या सागर मलिकला रोहिणी भागातून अटक केली. गुन्ह्यासाठी वापरलेली स्कूटर आणि हल्लेखोरांना बनावट सिमकार्ड उपलब्ध करून देण्याचा आरोप मलिकवर आहे. त्याच्याकडून परदेशी बनावटीची ग्लॉक पिस्तूल आणि तीन जिवंत काडतुसे जप्त करण्यात आली आहेत. खत्री हे दर मंगळवारी मंदिरात जातात, ही माहिती त्यांच्या सोशल मीडियावरील पोस्टमधून हल्लेखोरांना मिळाली होती.
हेही वाचा
न्यायाची व्याप्ती वाढावी...
टार्पोमॅटिक यंत्रणा लवकरच
राष्ट्रीय विद्यार्थी चित्रपट महोत्सव उत्साहात
अर्थसंकल्पीय आराखडा सोमवारी
‘महावितरण’समोर उद्योजकांचा अडचणींचा पाढा
अमेरिकेची तीन लढाऊ विमाने पडली
कलाकारांना मदतीचा हात
राणीच्या बागेत ‘सिंह’गर्जना दुर्मीळ
विमानतळाभोवती पर्यायी रस्ता
महापालिका कर्मचाऱ्यांना ‘आश्रय’
