पाक खेळाडूंना ५० लाखांचा दंड
महाराष्ट्र टाइम्स•
पाकिस्तान क्रिकेट संघाला आयसीसी स्पर्धेत उपांत्य फेरीआधीच बाहेर पडावे लागले. या कामगिरीमुळे संघातील प्रत्येक खेळाडूला ५० लाख पाकिस्तानी रुपयांचा दंड ठोठावण्यात आला आहे. यापूर्वीही आशिया कप अंतिम सामन्यात भारताकडून पराभव झाल्यानंतर खेळाडूंवर कारवाई झाली होती. सुपर ८ फेरीतही पाकिस्तान निष्प्रभ ठरल्याने दंडाचा फेरा चुकला नाही.
पाकिस्तान संघाला सलग चौथ्यांदा आयसीसीच्या मोठ्या स्पर्धेत उपांत्य फेरी गाठता आली नाही. मात्र, टी-२० विश्वचषकात भारताविरुद्धचा पराभव त्यांना जास्त जिव्हारी लागला. याच कारणामुळे पाकिस्तान क्रिकेट बोर्डाने (PCB) संघातील प्रत्येक खेळाडूवर ५० लाख पाकिस्तानी रुपयांचा दंड लावला आहे. हा दंड भारतीय रुपयांमध्ये अंदाजे १६ लाख ३८ हजार २२८ रुपये होतो.भारताविरुद्धच्या गट साखळीतील पराभवानंतर हा दंड लगेचच सुनावण्यात आला होता. मात्र, सुपर ८ फेरीत चांगली कामगिरी करून उपांत्य फेरी गाठल्यास हा दंड माफ केला जाईल, असे प्रोत्साहनही बोर्डाने दिले होते. पण सुपर ८ फेरीतही पाकिस्तानची कामगिरी निराशाजनक ठरली आणि त्यामुळे दंडाची रक्कम वसूल केली जाणार आहे.
याआधीही पाच महिन्यांपूर्वी आशिया कपच्या अंतिम सामन्यात भारताकडून पराभव झाल्यानंतर पाकिस्तानच्या खेळाडूंवर कारवाई झाली होती. त्यावेळी टी-२० लीगसाठी खेळाडूंना दिलेली नाहरकत प्रमाणपत्रे (NOC) तात्पुरती स्थगित करण्यात आली होती. नंतर ही कारवाई स्थगित करण्यात आली होती.
हेही वाचा
न्यायाची व्याप्ती वाढावी...
टार्पोमॅटिक यंत्रणा लवकरच
राष्ट्रीय विद्यार्थी चित्रपट महोत्सव उत्साहात
अर्थसंकल्पीय आराखडा सोमवारी
‘महावितरण’समोर उद्योजकांचा अडचणींचा पाढा
अमेरिकेची तीन लढाऊ विमाने पडली
कलाकारांना मदतीचा हात
राणीच्या बागेत ‘सिंह’गर्जना दुर्मीळ
विमानतळाभोवती पर्यायी रस्ता
महापालिका कर्मचाऱ्यांना ‘आश्रय’
