‘दोन्ही समर्थकांनी शिक्षा भोगली’

मुंबईत राज्य विधिमंडळाच्या अधिवेशनादरम्यान भाजपचे गोपीचंद पडळकर आणि राष्ट्रवादीचे जितेंद्र आव्हाड यांच्या समर्थकांमध्ये हाणामारी झाली होती. या प्रकरणी नितीन देशमुख आणि सर्जेराव टकले या दोघांना तुरुंगवासाची शिक्षा सुनावण्यात आली होती. विधानसभा अध्यक्ष राहुल नार्वेकर यांनी सभागृहात सांगितले की, या दोन्ही समर्थकांनी त्यांची शिक्षा पूर्ण केली आहे. विधानसभेची प्रतिष्ठा मलिन केल्याबद्दल ही कारवाई करण्यात आली होती.