भारतीय संघास २५ कोटी
महाराष्ट्र टाइम्स•
वर्ल्ड कप टी-२० क्रिकेट स्पर्धेत भारतीय संघाने विजेतेपद पटकावले. आयसीसीने भारतीय संघाला २५ कोटी रुपयांचे बक्षीस जाहीर केले. उपविजेत्या न्यूझीलंड संघाला सुमारे १३ कोटी रुपये मिळाले. उपांत्य फेरीत पराभूत झालेल्या दक्षिण आफ्रिका आणि इंग्लंड संघांनाही मोठी रक्कम मिळाली. भारताने अंतिम सामन्यात न्यूझीलंडचा ९६ धावांनी पराभव केला.
आयसीसीने जाहीर केलेल्या आकडेवारीनुसार, भारतीय संघाला विजेतेपदाचे २५ कोटी रुपये मिळाले आहेत. ही रक्कम २६ लाख ३९ हजार ४२३ अमेरिकन डॉलर इतकी आहे. गेल्या स्पर्धेच्या तुलनेत बक्षिसांच्या रकमेत लक्षणीय वाढ झाली असल्याचे आयसीसीने म्हटले आहे. उपविजेत्या न्यूझीलंड संघाला १४ लाख २२ हजार ६९२ डॉलर, म्हणजेच सुमारे १३ कोटी रुपये मिळाले. उपांत्य फेरीत हरलेल्या दक्षिण आफ्रिकेला ९ कोटी २४ लाख रुपये आणि इंग्लंडला ८ कोटी ९६ लाख रुपये मिळाले.या स्पर्धेत वेस्ट इंडिजने ५ लाख ३८ हजार २६९ डॉलर कमावले, तर पाकिस्तानने ५ लाख २२ हजार ६९२ डॉलर जिंकले. बक्षिसांच्या यादीत झिम्बाब्वेने श्रीलंकेला मागे टाकत ४ लाख ९१ हजार ५३८ डॉलर मिळवले, तर श्रीलंकेला ३ लाख ९ हजार ८०८ डॉलर मिळाले. अफगाणिस्तान, ऑस्ट्रेलिया आणि अमेरिकेला प्रत्येकी ३ लाख ९ हजार ८०८ डॉलर मिळाले. इटली, नेदरलँड्स, संयुक्त अरब अमिराती आणि नेपाळ या संघांनी प्रत्येकी २ लाख ५६ हजार १५४ डॉलर जिंकले. कॅनडा, नामिबिया आणि ओमान या संघांना २ लाख २५ हजार डॉलरवर समाधान मानावे लागले.
हेही वाचा
जमिनीच्या वादातून तरुणावर खुनी हल्ला
‘कर्जवाढ, तरी अर्थस्थिती मजबूत’
मध्य रेल्वेवर १७६ विशेष गाड्या
सुलोचना चव्हाण यांना स्वरांजली
मायक्रोवेव्हच्या रेसिपी
‘डामा’ प्रकरणांची गंभीर नोंद
पथाऱ्यांच्या शुल्काचा विसर
ठाण्यातील कंपन्यांच्या निर्यातीला फटका
इराणची माघार, क्रीडामंत्र्यांची माहिती
आठवणींचा खास कोपरा!
