सातबाऱ्यात बदल करून घोटाळा

महसूल खात्यात आतापर्यंतच्या इतिहासात सर्वांत मोठा घोटाळा झाल्याची कबुली महसूलमंत्री चंद्रशेखर बावनकुळे यांनी विधान परिषदेत बुधवारी दिली. विभागात शुद्धलेखनात बदल करण्याच्या नियमाखाली चक्क सातबारा उताऱ्यातच बदल केल्याचा धक्कादायक प्रकार उघडकीस आला आहे. राज्यातील तब्बल एक ते दीड लाख शेतकऱ्यांची अधिकाऱ्यांनी फसवणूक केल्याची कबुली बावनकुळेंनी दिली.