ठाणे न्यायालयात बॉम्बची धमकी
Contributed by: ठाणे,म. टा. प्रतिनिधी|महाराष्ट्र टाइम्स.कॉम•
ठाणे न्यायालयातील निबंधक कार्यालयाच्या ईमेलवर सोमवारी सकाळी ९ वाजून ४३ मिनिटांनी एक ई-मेल आला. या ईमेलमध्ये ठाणे न्यायालयात बॉम्ब ठेवला असून, दुपारी ३ वाजून ११ मिनिटांनी स्फोट होणार असल्याचा उल्लेख करण्यात आला होता. निबंधक कार्यालयाकडून दुपारी १२.१५ वाजता ही माहिती मिळाल्यानंतर पोलिस न्यायालयात दाखल झाले. खबरदारीचा उपाय म्हणून न्यायालयाच्या नवीन आणि जुन्या अशा दोन्ही इमारती, तसेच संपूर्ण परिसर रिकामा करण्यात आला. बॉम्बशोधक व नाशक पथक आणि श्वान पथकाला पाचारण करून तपासणी केली. दोन तासांच्या तपासणीनंतर कोणतीही संशयास्पद वस्तू आढळली नसल्याचे पोलिसांनी सांगितले. दुपारी अडीच वाजेपर्यंत तपासणी सुरू होती. बॉम्बबाबत आलेला ई-मेल पंजाबी भाषेत असून, त्यातील माहिती त्रोटक आहे.
हेही वाचा
क्लस्टर पुनर्विकासाच्या अटी शिथिल
आंतरराष्ट्रीय फुटबॉलमधून निवृत्ती जाहीर
अमेरिकेत दिवाळीसाठी टपाल तिकीट
पोलिस पथकावर केला हल्ला
टँकरची संख्या ५६० च्या घरात
‘जनादेशात भेसळ’
नवीन अभ्यासक्रमांना विद्यापीठाची मान्यता
रोनाल्डो पर्वाची अखेर
‘माथाडी कायद्याची अंमलबजावणी करा’
शहर, जिल्ह्यात वसुबारस उत्साहात