Nagpur Crime: सट्ट्याच्या आमिषापायी गमावले २६ लाख; सायबर ठतबाजांनी केली व्यापाऱ्याची फसवणूक
महाराष्ट्र टाइम्स•
Betting Fraud in Nagpur: नागपूरमध्ये एका किराणा व्यापाऱ्याला सट्ट्यात कोट्यवधी रुपये कमविण्याचे आमिष दाखवून सायबर गुन्हेगारांनी तब्बल २६ लाखांचा गंडा घातला. रेड्डी अण्णा बुकच्या मालकासह बँक खातेदार आणि मोबाईल धारकांविरुद्ध सायबर पोलिसांनी गुन्हा दाखल केला आहे. हिरेन भोजवानी नावाच्या व्यापाऱ्याने या प्रकरणी तक्रार दाखल केली असून, पोलीस आरोपींचा शोध घेत आहेत.
रेड्डी अण्णा बुकचा मालक, बॅंक खातेदार व मोबाइल धारक,अशी गुन्हा दाखल करण्यात आलेल्यांची नावे आहेत. हिरेन तरुण भोजवानी (वय ३५, रा.छाप्रूनगर) यांनी दिलेल्या तक्रारीवरून हा गुन्हा दाखल करण्यात आला. भोजवानी यांचा किराण्याचा व्यवसाय आहे. पोलिसांकडून प्राप्त माहितीनुसार, ५ फेब्रुवारीला हिरेन यांच्या मोबाइलवर ‘वेलकम टू रेड्डी अण्णा ऑनलाइन ओल्डेस्ट बुक ऑफ इंडिया २०१०’ असा मेसेज आला. त्यावर क्रिकेट, टेनिस, फुटबॉल, १५० वेगवेगळे कसिनो, हॉर्स रेस, बिनरी शेअर मार्केट आदी बेटिंगसाठी उपलब्ध आहेत. ‘प्ले कसिनो व्हीआयपी’, ‘क्रिकबेट ९९’, ‘क्लब रेड्डीबुक लाइव्ह’, ‘फेअरडील लाइव्ह’, १११ एक्स्प्ले प्रो’, ‘लोटस ९९९’ आदी ॲपवर खेळल्यास एक कोटीपर्यंत जिंकण्याची संधी असल्याचे आमिष दाखविण्यात आले. त्यानंतर सायबर ठकबाजांनी त्यांच्याशी वेळोवेळी संपर्क साधून त्यांना सट्टा खेळण्यास बाध्य केले. त्यांचा ‘क्रिकबेट ९९ विन’ या ॲपवर ‘अर्जुनसीआरटी’ या नावाने त्यांचा आयडी तयार केला. त्यांनी पैसे उधार घेऊन फेब्रुवारी ते जुलै या कालावधीत वेळोवेळी ४१ विविध खात्यांवर वेळोवेळी २६ लाख रुपये गुंतविले. ते जिंकलेही. परंतु त्यांचे पॉइंट व पैसे त्यांच्या आयडीत दाखविण्यात आले नाही. त्यांनी संपर्क साधला असता ठकबाजांनी त्यांना धमकी दिली. फसवणूक झाल्याचे लक्षात येताच हिरेन यांनी सायबर पोलिसांत तक्रार दिली. पोलिसांनी गुन्हा दाखल करून ठकबाजांचा शोध सुरू केला आहे.
हेही वाचा
‘ऑपरेशन सिंदूर’मध्ये होता सहभाग
उष्णता-सहनशील गहू वाणाची पाहणी
‘जैवइंधन हाच पर्याय’
मेट्रो वाढणार, रस्ते विस्तारणार
रखडलेल्या कामांना मुहूर्त
हर्षवर्धन तिडकेचे ‘यूपीएससी’त यश
यवतमाळ विमानतळ विकासाला मिळणार गती
नेपाळमध्ये राजकीय बदलाचे वारे?
ड्रेनेजसाठी जागतिक बँकेकडून निधी
स्थायी समितीचे सभापती मार्डीकर