नागपूर : जातप्रमाणपत्र घोटाळा प्रकरणात पाचगाव पोलिसांनी आणखी एकाला अटक केली. या प्रकरणात अटकेतील आरोपींची संख्या आता सहा झाली आहे. रितेश मधुसूदन सहारे (वय ४२, रा. शिवानी अपार्टमेंट, मनीषनगर) असे अटकेतील आरोपीचे नाव आहे.
यापूर्वी पोलिसांनी प्रा. अमोल देवीदास घोडे (वय ३४, नागपूर), साहाय्यक प्राध्यापक शुभम बालाजी खोरगडे (वय ४१), मुकेश बिसनदेव चौबे (वय ४५, रा. सबिना सोसायटी, गोरेवाडा), जगन्नाथ रामा शेरकुरे (वय २२, रा. तास, ता. भिवापूर) व विद्यार्थिनी या पाच जणांना अटक केली होती. चौबे, शेरकुरे व विद्यार्थिनीची पोलिसांनी ११ एप्रिलपर्यंत पोलिस कोठडी घेतली. पोलिस कोठडी संपल्याने पोलिसांनी तिघांनाही शनिवारी न्यायालयात हजर केले. न्यायालयाने त्यांची न्यायालयीन कोठडीअंतर्गत कारागृहात रवानगी केली. दरम्यान, घोडे, खोरगडे व सहारे या तिघांची १३ एप्रिलपर्यंत पोलिस कोठडी घेण्यात आली आहे.
