वैद्यकीय सुविधांचा मुख्यमंत्र्यांकडून आढावा
महाराष्ट्र टाइम्स•
शासकीय वैद्यकीय महाविद्यालय व रुग्णालय (मेडिकल) आणि इंदिरा गांधी शासकीय वैद्यकीय महाविद्यालय व रुग्णालय (मेयो) येथे सुरू असलेल्या विकासकामांची मुख्यमंत्री देवेंद्र फडणवीस यांनी गुरुवारी पाहणी केली. अत्याधुनिक वैद्यकीय सुविधांचा आढावा घेत त्यांनी कामांना गती देण्याचे निर्देश दिले.मेडिकलमध्ये मुख्यमंत्र्यांनी एनआयसीयू आणि पीआयसीयू विभागाची पाहणी केली. पीआयसीयूमधील अत्याधुनिक व्हेंटिलेटर युनिटचे लोकार्पणही त्यांच्या हस्ते झाले. शस्त्रक्रियागृह आणि सर्जिकल आयसीयूची पाहणी करून उर्वरित कामे लवकर पूर्ण करण्याच्या सूचना त्यांनी दिल्या. अधिष्ठाता डॉ. राज गजभिये यांनी रुग्णालयातील सुरू प्रकल्पांची माहिती दिली. यावेळी उपअधिष्ठाता डॉ. देवेंद्र माहोरे, वैद्यकीय अधीक्षक डॉ. अविनाश गावंडे, आमदार मोहन मते आणि रितेश गावंडे उपस्थित होते.
या दौऱ्यात मुख्यमंत्र्यांनी गडचिरोली जिल्ह्यातील धानोरा तालुक्यातील जपतलाई येथील सर्पदंशग्रस्त बालिकेची वॉर्डात जाऊन भेट घेतली. तिच्या प्रकृतीची चौकशी करून आईला धीर दिला. बालिकेवर सर्वोत्तम उपचार करण्याच्या सूचना त्यांनी डॉक्टरांना दिल्या.
हेही वाचा
‘केंद्रीय निधीचा पूर्ण विनियोग व्हावा’
विशाखा राऊत यांना धक्का
चला, अजगर पकडू या
विश्वासार्ह पायाभरणीसाठी...
दगड क्रशर खाणींमध्ये नियमांचे उल्लंघन
‘फाळणीचा खरा इतिहास लोकांपर्यंत पोहोचावा’
हंपीहोळी भावंडांनी गाजविले कलामंच
नागपूर-शारजाह सव्वा तास उशिरा
आजी-आजोबांचा रॅम्पवॉक, फॅशन शोही
एमआयएलद्वारे १.३५ कोटींची मदत