तीन दहशतवादी ठार

महाराष्ट्र टाइम्स•

जम्मू-काश्मीरच्या किश्तवार जिल्ह्यात सुरक्षा दलांनी जैश-ए-महंमदच्या तीन दहशतवाद्यांना कंठस्नान घातले. पासेरकुट परिसरात झालेल्या चकमकीत हे दहशतवादी मारले गेले. त्यांच्याकडून दोन एके-४७ रायफलसह शस्त्रे आणि दारुगोळा जप्त करण्यात आला. मृतांपैकी एक कुख्यात जैश-ए-महंमदचा कमांडर सैफुल्लाह असल्याचे प्राथमिक अंदाजात म्हटले आहे. या कारवाईमुळे दहशतवाद्यांना मोठा धक्का बसला आहे.

तीन दहशतवादी ठार
जम्मू-काश्मीरच्या किश्तवार जिल्ह्यात सुरक्षा दलांनी जैश-ए-मोहम्मदच्या तीन दहशतवाद्यांना कंठस्नान घातले. रविवारी झालेल्या या चकमकीत 'त्राशी-१' मोहिमेदरम्यान हे दहशतवादी मारले गेले. त्यांच्याकडून दोन एके-४७ रायफलसह शस्त्रे आणि दारुगोळा जप्त करण्यात आला. मृतांपैकी एक जण कुख्यात जैश-ए-मोहम्मदचा कमांडर सैफुल्लाह असल्याचे प्राथमिक अंदाजात म्हटले जात आहे. या हल्ल्यांचे नियोजन त्याने केले होते, ज्यात जुलै २०२४ मध्ये एका कॅप्टनसह चार जवान हुतात्मा झाले होते.

लष्कराच्या अधिकाऱ्यांनी दिलेल्या माहितीनुसार, ही चकमक किश्तवार जिल्ह्यातील दुर्गम भागात झाली. चत्रू पट्ट्यातील पासेरकुट परिसरात सुरक्षा दलांनी ही कारवाई केली. तिन्ही दहशतवाद्यांचे मृतदेह जळाल्याने त्यांची ओळख पटवणे कठीण झाले होते. मात्र, सुरक्षा यंत्रणांच्या प्राथमिक अंदाजानुसार, मारला गेलेला एक दहशतवादी जैश-ए-मोहम्मदचा कमांडर सैफुल्लाह होता. त्याने सुमारे पाच वर्षांपूर्वी जम्मू-काश्मीरमध्ये घुसखोरी केली होती आणि तेव्हापासून तो या भागात सक्रिय होता. जुलै २०२४ मध्ये झालेल्या हल्ल्यांमध्ये, ज्यात एका कॅप्टनसह चार जवान शहीद झाले होते, त्या हल्ल्यांचे नियोजन सैफुल्लाहने केले होते.

हेही वाचा