चांदोरीत बिबट्याचा थरार
महाराष्ट्र टाइम्स•
चांदोरी गावात रात्रीच्या सुमारास दबा धरून बसलेल्या बिबट्याने धुमाकूळ घालण्यास सुरुवात केली. त्याने सर्वप्रथम गुलाब हातझाडे यांच्या गोठ्यात प्रवेश करून चार महिन्यांच्या शेळीच्या पिल्लावर झडप घातली आणि त्याला जागीच ठार केले. या घटनेची माहिती गावात पसरत असतानाच बिबट्याने शेजारील रमेश हातझाडे यांच्या गोठ्यातील शेळीवरही हल्ला करून तिला ठार केले. सलग दोन ठिकाणी झालेल्या हल्ल्यांमुळे शेतकरी आणि पशुपालकांमध्ये भीतीचे वातावरण निर्माण झाले. रात्रभर धुमाकूळ घातल्यानंतर सकाळच्या सुमारास हा बिबट दडण्यासाठी सुरक्षित जागा शोधत मोरेश्वर हातझाडे यांच्या घराजवळील शौचालयात जाऊन बसला. सकाळी ग्रामस्थांच्या हा प्रकार लक्षात येताच गावात खळबळ उडाली. पहाटे ५ ते सकाळी १० वाजतापर्यंत बिबट्या शौचालयात लपून बसला होता. दिवसाढवळ्या गावाच्या मध्यभागी बिबट्या असल्याची बातमी पसरताच नागरिकांनी घटनास्थळी गर्दी केली. सुमारे दोन तासांच्या अथक प्रयत्नांनंतर वन विभागाच्या चमूने बिबट्याला सुरक्षितपणे जेरबंद करण्यात यश मिळवले.
हेही वाचा
‘एकपात्री नाट्यप्रयोग म्हणजे प्रेक्षकांवर अत्याचार’
सातशे कुटुंबांचे स्थलांतर
शनिवार, २५ जुलै २०२६
‘टीईटी’ गैरव्यवहार फडणवीसांच्या काळात
सहा महिन्यांत ४४३ आत्महत्या
एकोणतीस संस्थांवर प्रवेशबंदी
नियोजित साधुग्राम पाण्याखाली
विसर्ग आणखी दोन दिवस!
पाऊस थांबला गाळ साचला
विक्रमी आषाढी एकदशीची चाहूल