‘मसाप’च्या १९१ सभासदांचे मतदान
महाराष्ट्र टाइम्स•
महाराष्ट्र साहित्य परिषदेच्या १९१ आजीव सभासदांनी प्रत्यक्ष मतदानाचा हक्क बजावला. टपालाने मतपत्रिका न मिळाल्याने या सभासदांना परिषदेत येऊन मतदान करण्याची संधी देण्यात आली होती. तीन दिवसांच्या प्रक्रियेत सभासदांनी मतदान केले. निवडणूक अधिकाऱ्यांनी यापुढे मतदानासाठी अर्ज स्वीकारले जाणार नसल्याचे स्पष्ट केले आहे.
पहिल्या दिवशी ५३, दुसऱ्या दिवशी ६० आणि तिसऱ्या दिवशी, म्हणजेच शुक्रवारी ७८ मतदारांनी साहित्य परिषदेत येऊन आपला मतदानाचा हक्क बजावला. निवडणूक मंडळाने मतदारांना ही संधी दिली होती. निवडणूक अधिकाऱ्यांनी सांगितले की, "मतदारयादीत नाव असलेल्या आजीव सभासदांना टपालाने मतपत्रिका घरी पाठविण्यात आल्या. मात्र, मतपत्रिका न मिळालेल्या आजीव सभासदांसाठी मतदानाची संधी निवडणूक मंडळाने उपलब्ध करून दिली होती. यापुढे मतदानासाठी अर्ज स्वीकारला जाणार नाही." मुख्य निवडणूक अधिकारी ॲड. प्रताप परदेशी, सहनिवडणूक अधिकारी संजीव खडके आणि गिरीश केमकर यांनी ही माहिती दिली.
हेही वाचा
‘पीएमपी’मध्ये महिलांना मोफत प्रवास
जुन्नरचे बिबटे होणार ‘वनतारा’चे पाहुणे
‘ओल्ड हायकोर्ट इमारत’ सहा महिन्यांत दुरुस्त करा
श्रेया बुगडे यांना राम नगरकर पुरस्कार
खारघरमध्ये सोनसाखळी चोरी
एका पदासाठी ६८ जण इच्छुक
जिल्ह्यात आजपासून मंडळ स्तरावर शिबिरे
‘‘जर्नी ऑफ सायलेंट व्हिल्स’ परिणामकारक’
कोराडीत आरोग्य शिबिराला प्रतिसाद
पुणे शहरासह राज्यातवाढला उन्हाचा चटका