‘भारत संबंधांची ट्रम्प यांना खूप काळजी’

वॉशिंग्टन : ‘अमेरिकेचे अध्यक्ष डोनाल्ड ट्रम्प यांना अमेरिका-भारत संबंधांची खूप काळजी आहे,’ असे भारतातील अमेरिकेचे राजदूत सर्जिओ गोर यांनी मंगळवारी व्हाइट हाउसमध्ये ट्रम्प यांची भेट घेतल्यानंतर सांगितले. गोर यांनी ओव्हल ऑफिसमध्ये ट्रम्प आणि अमेरिकेचे परराष्ट्रमंत्री मार्को रुबिओ यांच्यासोबतचा एक फोटोही शेअर केला. गोर यांनी या वर्षी जानेवारीमध्ये भारतातील अमेरिकन राजदूतपदाची जबाबदारी स्वीकारली.