सांगवी : महंमद सरफराज (वय २०, रा. सध्या लेबर कॅम्प, पुनावळे, मूळ रा. गारा, सीतामढी, बिहार) याचा इमारतीच्या तिसऱ्या मजल्यावरून पडून मृत्यू झाला. पुनावळे येथील काटे वस्ती येथे ‘द फोर ॲक्सेस’ या नवीनच काम सुरू असलेल्या इमारतीत तो इलेक्ट्रिशियन म्हणून काम करीत होता.
दुर्घटनेवेळी महंमद शनिवार दुपारी एकटाच काम करीत असताना ही दुर्घटना झाल्याचे सांगण्यात येत आहे. घटनेची पोलिस ठाण्यात तक्रार दाखल करण्याची प्रक्रिया रात्री उशिरापर्यंत सुरू होती. शवविच्छेदन अहवाल बाकी असल्याचे पोलिसांनी सांगितले.
