नागपूर : घरफोडी च्या घटनेनंतर लकडगंज पोलिसांनी अवघ्या सहा तासांत दोन घरफोड्यांना बेड्या ठोकल्या. शबीब अहमद ऊर्फ सिब्बू अब्दुल मतीन शेख (वय ३३, रा. सतरंजीपुरा) व मोहम्मद अमान मतीन शेख (वय २५, रा. मारवाडी चौक, लकडगंज) अशी अटकेतील घरफोड्यांची नावे आहेत. दोन दिवसांपूर्वी सतरंजीपुऱ्यातील मामा गल्ली येथील अर्शिया रफीख खान (वय ४६) यांच्याकडे घरफोडी करून चोरट्याने २ लाख ८० हजारांची रोख व सोन्याचे दागिने चोरी केले. याप्रकरणी लकडगंज पोलिसांनी घरफोडीचा गुन्हा दाखल केला. पोलिस उपायुक्त राहुल मदने यांच्या मार्गदर्शनाखाली वरिष्ठ पोलिस निरीक्षक अरुण क्षीरसागर, साहाय्यक निरीक्षक अजहर शेख, हेडकॉन्स्टेबल उमाकांत नागदेवे व त्यांच्या सहकाऱ्यांनी सीसीटीव्हीच्या आधारे शोध घेऊन अवघ्या सहा तासांत दोघांना अटक केली. त्यांच्याकडून दोन लाखांची रोख व दागिने असा एकूण अडीच लाखांचा ऐवज जप्त केला.
सहा तासांत घरफोडे पाेहोचले गजाआड
महाराष्ट्र टाइम्स.कॉम•
नागपूरमध्ये घरफोडीच्या घटनेनंतर अवघ्या सहा तासांत पोलिसांनी दोन आरोपींना अटक केली. शबीब अहमद आणि मोहम्मद अमान अशी आरोपींची नावे आहेत. सतरंजीपुऱ्यातील एका घरातून २ लाख ८० हजारांची रोख आणि सोन्याचे दागिने चोरीला गेले होते. सीसीटीव्हीच्या मदतीने पोलिसांनी दोघांना पकडले. त्यांच्याकडून दोन लाखांची रोख आणि दागिने असा एकूण अडीच लाखांचा मुद्देमाल जप्त करण्यात आला आहे.
हेही वाचा
‘सूर्याची शक्ती; तरीहीबिलातून नाही मुक्ती’
‘फायबर टू सिल्क फॅब एक्स्पो’
हवामानाचा लहरीपणा परवडणारा नाही
वाहनसंख्या बनली डोकेदुखी
पथविक्रेता कायद्याबाबतआराखडा सादर करा
इमारतीवरून पडून कामगाराचा मृत्यू
मुलांसह आईचा आत्महत्येचा प्रयत्न
शुल्कवाढीच्या विरोधात आंदोलन
‘महापुरुषांची जयंती‘डीजे’मुक्त व्हावी’
‘राजकीय व्यवस्थेनेपोसले भोंदूबाबांचे पीक’