दुबई : ब्राझीलची वेगवान गोलंदाज लॉरा कार्डोसो हिने एकाच डावात नऊ विकेट्स टिपत पुरुष/महिला टी-२० क्रिकेटमध्ये अशी कामगिरी करणारी पहिलीच क्रिकेटपटू होण्याचा मान संपादन केला. गाबोरोन येथील बोतस्वाना क्रिकेट असोसिएशन ओव्हल २ मैदानावरील बीसीए कालाहारी महिला टी-२० स्पर्धेत कार्डोसो हिनेे लेसोथो संघाविरुद्ध लक्षवेधक गोलंदाजी केली. तिने तीन षटकांत केवळ चार धावा देत नऊ विकेट्स खिशात टाकल्या. टी-२० क्रिकेटच्या इतिहासात अशी कामगिरी याआधी कुणालाच जमली नव्हती.
याआधी...
यापूर्वीचा विक्रम भूतानच्या सोनम येशे याच्या नावावर. त्याने २०२५मध्ये म्यानमारविरुद्ध आंतरराष्ट्रीय़ टी-२० सामन्यात केवळ सात धावांत आठ विकेट्स टिपल्या होत्या
आयसीसीने दिलेल्या माहितीनुसार महिलांच्या आंतरराष्ट्रीय टी-२०मध्ये कार्डोसो हिने इंडोनेशियाच्या रोहमालिया हिला मागे टाकले
रोहमालियाने २०२४ मध्ये मंगोलियाविरुद्ध एकही धावा न देतो सात फलंदाज टिपल्या होत्या.
