साम्यवादी विचारांपासून मुक्तता गरजेची

केंद्रीय गृहमंत्री अमित शहा यांनी रविवारी छत्तीसगडची राजधानी रायपूर येथे एका बैठकीत साम्यवादी विचारसरणीला देशासाठी विघातक आणि विकासविरोधी म्हटले आहे. त्यांनी स्पष्ट केले की, साम्यवादाचा विकासाशी संबंध जोडणे चुकीचे आहे आणि या विचारसरणीपासून देशाला लवकर मुक्त करणे आवश्यक आहे. डाव्यांचा दहशतवाद हा विचारसरणीतून प्रेरित असल्याचे सांगत, त्यांनी जनतेला यामागील सत्य समजून घेण्याचे आवाहन केले. शहा यांनी त्रिपुरा आणि बंगालमध्ये साम्यवाद्यांचे अस्तित्व संपल्याचे आणि केरळमध्येही त्यांची पकड ढिली होत असल्याचे नमूद केले.

गृहमंत्री अमित शहा यांनी माओवादाच्या मुळाशी विकासाचा संबंध जोडणाऱ्या विचारवंतांना आव्हान दिले. त्यांनी १९८० च्या दशकातील परिस्थितीचा दाखला देत सांगितले की, त्यावेळी महाराष्ट्र, आंध्र प्रदेश, मध्य प्रदेश आणि ओडिशा या राज्यांमध्ये माओवादी चळवळ पसरली होती. त्या काळात शंभरहून अधिक जिल्हे बस्तरपेक्षाही मागासलेले होते. जर विकास हेच या चळवळीचे मूळ कारण असते, तर मग बस्तरपेक्षाही जास्त मागासलेल्या त्या जिल्ह्यांमध्ये ही चळवळ का पसरली नाही, असा प्रश्न त्यांनी उपस्थित केला.

शहा यांनी माओवाद्यांविरोधातील सरकारच्या कारवाईची माहिती दिली. २०२४ पासून केंद्र सरकारने माओवाद्यांविरोधात मोहीम तीव्र केली आहे. या काळात सुरक्षा दलांनी माओवादी कम्युनिस्ट पक्षाचा सरचिटणीस नम्बाला केशव राव याच्यासह पाचशेहून अधिक माओवाद्यांना ठार केले आहे. तसेच, १९०० हून अधिक माओवाद्यांना अटक करण्यात आली आहे आणि अडीच हजारांहून अधिक माओवाद्यांनी शरणागती पत्करली आहे.

केंद्रीय गृहमंत्री अमित शहा यांनी साम्यवादी विचारसरणीवर जोरदार टीका केली. ते म्हणाले, ‘विघातक अशा साम्यवादी विचारसरणीपासून देशाला लवकरात लवकर मुक्त करणे गरजेचे आहे.’ त्यांनी पुढे म्हटले की, ‘काही विचारवंतांनी माओवादाचा संबंध विकासाशी जोडला आहे. त्यात तथ्य नाही.’ शहा यांनी स्पष्ट केले की, ‘डाव्यांचा दहशतवाद हे एक विचारसरसणीप्रेरित आव्हान आहे. या विचारसरणीमागील सत्य जनतेने समजून घेणे गरजेचे आहे.’ त्यांनी असा दावा केला की, ‘साम्यवादी जेव्हा जेव्हा सत्तेत असतात त्यावेळी विकास खुंटतो. ही एक विघातक, विकासविरोधी विचारसरणी असून त्यापासून लवकरात लवकर देशाला मुक्त करणे गरजेचे आहे’.

लोकशाही राजकारणात साम्यवादी विचारसरणीचे फारसे अस्तित्व राहिलेले नाही, असेही शहा यांनी नमूद केले. त्यांनी उदाहरण देत सांगितले की, ‘त्रिपुरा आणि बंगालमध्ये डावे आता अस्तित्वात नाहीत. केरळमध्ये ते काही प्रमाणात तग धरून आहेत. मात्र, तिरुवअनंतपुरम महापालिकेत भाजपची सत्ता आल्याने तिथे आता लोकांनी बदलाला सुरुवात केली आहे.’