राखीव मतदान यंत्रांप्रकरणी कारवाई

सोलापूर जिल्ह्यातील मोहोळ तालुक्यात जिल्हा परिषद व पंचायत समिती निवडणुकीदरम्यान राखीव मतदान यंत्रे सुरक्षा कक्षात वेळेत जमा झाली नाहीत. ही यंत्रे प्रत्यक्ष मतदानासाठी वापरली गेली नव्हती. तरीही, ती खासगी ठिकाणी नेल्याची माहिती समोर आल्याने नागरिकांनी आक्षेप घेतला. निवडणूक आयोगाने या प्रकरणी संबंधितांवर कठोर कारवाई करण्याचे संकेत दिले आहेत. यंत्रे आता सुरक्षा कक्षात जमा करण्यात आली आहेत.