निवासी शाळेतील १५ विद्यार्थ्यांना विषबाधा

रामटेक तालुक्यातील काचुरवाही येथील सूरज गतिमंद मुलामुलींच्या निवासी शाळेत एक धक्कादायक घटना घडली. शाळेतील १५ विद्यार्थ्यांना विषबाधा झाली. शनिवारी सकाळी जेवणानंतर विद्यार्थ्यांना उलट्या सुरू झाल्या. तातडीने सर्व विद्यार्थ्यांना रामटेक उपजिल्हा रुग्णालयात दाखल करण्यात आले. सर्व विद्यार्थ्यांची प्रकृती स्थिर असून त्यांना २४ तास निरीक्षणाखाली ठेवण्यात आले आहे. पोलिसांनी या प्रकरणाचा तपास सुरू केला आहे.