‘पावसाळ्यात सर्वांनी समन्वयाने कामे करा’
Contributed by: म.टा.प्रतिनिधी|महाराष्ट्र टाइम्स.कॉम•
पहिल्याच मुसळधार पावसानंतर महापालिकेच्या यंत्रणेची पोलखोल झाल्यानंतर प्रशासनाकडून आवश्यक उपाययोजना सुरू झाल्या आहेत. महापौर नीता ठाकरे यांनी सोमवारी लक्ष्मीनगर आणि धरमपेठ झोनमधील नगरसेवक व अधिकाऱ्यांसोबत आढावा बैठक घेत पावसाळ्यात नागरिकांना कोणताही त्रास होणार नाही, यासाठी सर्व विभागांनी समन्वयाने काम करण्याचे निर्देश दिले.गुरुवारी अवघ्या काही तासांत झालेल्या ७०.६ मिमी पावसामुळे शहरातील अनेक रस्ते, उड्डाणपुलाखालील मार्ग आणि निवासी वस्त्यांमध्ये पाणी साचले होते. या पार्श्वभूमीवर महापौरांनी ही विशेष आढावा बैठक घेतली. नाल्यांमध्ये कचरा टाकणाऱ्यांवर तसेच वारंवार अतिक्रमण करणाऱ्यांवर कठोर कारवाई करण्याचे निर्देश महापौरांनी दिले. विशेषतः मटण बाजार परिसरातील अतिक्रमणे हटवून संबंधितांचे साहित्य जप्त करण्याच्या सूचनाही त्यांनी अधिकाऱ्यांना केल्या. दरम्यान, बैठकीत लक्ष्मीनगर झोनच्या सभापती लक्ष्मी यादव यांनी नाल्यांमधून काढलेला गाळ आणि कचरा अनेक दिवस नाल्यांच्या काठावरच पडून राहत असल्याने पावसात तो पुन्हा नाल्यांमध्ये वाहून जात असल्याची तक्रार केली. धरमपेठ झोनच्या बैठकीत सभापती धनश्री देशपांडे यांनी नालेसफाईतील त्रुटी, सफाई कर्मचाऱ्यांची कमतरता याकडे लक्ष वेधले.
हेही वाचा
‘खामेनींच्या निधनाने शिकवले एकतेचे महत्त्व’
रशियाच्या युक्रेनवरीलहल्ल्यांत १८ मृत्युमुखी
‘तेजो महालय’च्या दाव्याबाबत नोटीस
कारागृहात संघर्ष; २६ कैद्यांचा मृत्यू
कर्नाटकातील ‘एसआयआर’वर आक्षेप
हाफीज सईदवर दोषारोप
कुत्र्यांच्या हल्ल्यात मुलीचा मृत्यू
आनंद टिकवणे अवघड!
तुषार कांती मुखर्जी
मंगळवार, ७ जुलै २०२६