महारेरानंतर जिल्हा परिषदेचेही खोटे सही-शिक्के
महाराष्ट्र टाइम्स•
डोंबिवलीच्या सागाव परिसरातील चाळी पाडून त्या जागी इमारत बांधून देण्याचे आश्वासन रामचंद्र माने यांनी २०१६मध्ये दिले होते. त्याप्रमाणे इमारत बांधून दिली. मात्र वाढीव जागेसाठी जास्त पैसे घेतले. यासाठी रहिवाशांना कर्जही मिळवून दिले. मात्र व्याजदर जास्त असल्याने रहिवाशांनी दुसऱ्या बँकेत कर्जासाठी अर्ज केल्यानंतर, बँकेने कागदपत्रांवर हरकत घेतली. यामुळे रहिवाशांनी जिल्हा परिषदेकडे चौकशी केली असता, सदर कागदपत्रांवरील सही-शिक्के जिल्हा परिषदेने दिलेले नसून ही इमारत अनधिकृत असल्याचे जिल्हा परिषदेने स्पष्ट केल्याने, रहिवाशांच्या पायाखालची जमीन सरकली. विकासकाने आपली फसवणूक केल्याचे रहिवाशांच्या लक्षात आले. याप्रकरणी मानपाडा पोलिस ठाण्यात प्रणाली जाधव यांनी तक्रार केली आहे. मात्र विकासकाला राजकीय पाठिंबा असल्याने त्याला अटक होत नसल्याचा आरोप रहिवाशांनी केला आहे. लवकरात लवकर या प्रकरणी कारवाई झाली नाही, तर पोलिस उपायुक्तांच्या कार्यालयाबाहेर उपोषणाचा इशारा रहिवाशांनी दिला आहे. या घटनेनंतर खळबळ माजली आहे. भूमाफियांनी महारेराप्रमाणेच जिल्हा परिषदेची अधिकृत कागदपत्रे असल्याचे भासवून किती रहिवाशांची फसवणूक केली असेल, अशी धास्ती आता या परिसरातील नागरिकांनी व्यक्त केली आहे.
हेही वाचा
जायकवाडी धरणात ४४ टक्के पाणीसाठा
प्रसिद्ध बौद्धस्थळ सारनाथ आता जागतिक वारसा!
भाजी विक्रेत्यानेजिंकले पदक
फडणवीस तातडीने दिल्लीत
अमेरिकेचा जहाजावर हल्ला
‘एच-१ बी’ व्हिसाचेअतिरक्त शुल्क रद्दच
अर्जुन श्रीगडीवारने पटकावला दुहेरी मुकुट
कुशलचा गोल; ‘सीएम’ची आगेकूच
बॉक्सिंगमध्ये सचिनची आगेकूच
भारतीय कसोटी संघाचीमंगळवारी निवड होणार
