पुणे : नसरापूर येथे चिमुकलीवर लैंगिक अत्याचार करून तिचा खून केल्याप्रकरणी अटक आरोपीविरोधात बुधवारी सहा साक्षीदारांची साक्ष नोंदविण्यात आली. गुन्हा करून फरारी झालेल्या आरोपीला दोन ग्रामस्थांनी शोधले. त्या वेळी आरोपीने गुन्ह्याची न्यायबाह्य कबुली दिल्याचे एका साक्षीदाराने सांगितले.
या प्रकरणातील अटक आरोपी भीमराव कांबळे (वय ६५, रा. भोर) याच्याविरोधात विशेष न्यायाधीश एस. आर. साळुंखे यांच्या न्यायालयात सुनावणी सुरू आहे. या प्रकरणी २३ साक्षीदारांची साक्ष विशेष सरकारी वकील अजय मिसर यांनी नोंदविली. बचाव पक्षातर्फे ॲड. हिंमतराव सुर्यवंशी यांनी उलटतपासणी घेतली. तक्रारदार पीडित कुटुंबातर्फे ॲड. मनीष पाडेकर व ॲड. मयूर दोडके यांनी काम पाहिले.
