का वाढतोय हा प्रकार?

इंटर्नशिपची अनिवार्यता, अभ्यासक्रम पूर्ण करण्यासाठी प्रमाणपत्र आवश्यक असल्याने विद्यार्थ्यांच्या हाती असणारा अपुरा वेळ, अधिकृत आणि पडताळणी केलेल्या प्लॅटफॉर्मचा अभाव; महाविद्यालयांकडून न मिळणारे स्पष्ट मार्गदर्शन अशा अनेक कारणांमुळे विद्यार्थी स्वतःच ऑनलाइन संधी शोधतात. लवकर संधी मिळवण्याची घाईही अनेकांना नडते. आकर्षक ऑफर पाहून पडताळणी न करता निर्णय घेतले जातात. डिजिटल माध्यमांवर असणारा अंधविश्वासही या गुन्ह्यांना खतपाणी घालतो. आकर्षक वेबसाइट, बनावट ई-मेल आणि ‘तत्काळ निवड’ होत असल्यामुळे खरे-खोटे ओळखणे कठीण जाते. सोशल मीडिया वर ‘सोशल मीडिया मॅनेजर’सारख्या पदांच्या जाहिराती देऊन नंतर नोंदणी शुल्क मागून संपर्क तोडण्याचे प्रकारही वाढले आहेत.