पवन खेरा यांचा जामीन नाहीच

आसामचे मुख्यमंत्री हिमंता बिस्वशर्मा यांच्या पत्नीवर केलेल्या आरोपप्रकरणी दाखल करण्यात आलेल्या गुन्ह्यात अटकपूर्व जामीन मिळावा यासाठी काँग्रेसचे नेते पवन खेरा यांनी केलेल्या याचिकेवरील निकाल सर्वोच्च न्यायालयाने गुरुवारी राखून ठेवला. ‘खेरा यांना अटक करण्याची काय आवश्यकता आहे,’ असा प्रश्न वकील अभिषेक मनु सिंघवी यांनी न्यायालयास केला. दोन्ही बाजूंचे युक्तिवादानंतर खंडपीठाने निर्णय राखून ठेवला.