कल्याण : बल्याणी येथील खजुरीनगर येथील अनधिकृत चाळीवर कारवाई करताना सहाय्यक पोलिस निरीक्षक सरला काळे यांच्यावर हल्ला झाला होता. या प्रकरणातील तीन महिलाना कल्याण न्यायालयात कोठडी सुनावली.
बल्याणी खजुरीनगर परिसरात असलेली २८० अनधिकृत चाळीतील घरे आणि ५० जोते यांच्यावर महापालिकेच्या अनधिकृत बांधकाम विभागाकडून कारवाई सुरू करताच, स्थानिकांनी विरोध केला होता. विरोध करणाऱ्या महिलांना रोखण्यासाठी सहाय्यक पोलिस निरीक्षक सरला काळे यांच्या नेतृत्वाखालील पथक तैनात होते. काही महिलांनी थेट पोलिसांवर हल्ला चढवत काळे यांना जखमी केले होते.
