मान्सूनच्या माघारीसह

मान्सूनच्या माघारीसह

तापमानाचा पारा चढला

मुंबई : राज्यभरात कोरडे वातावरण निर्माण झाले असून पावसाचा अभाव आहे. या पार्श्वभूमीवर गुरुवारी संपूर्ण महाराष्ट्रातून मान्सूनने माघार घेतल्याचे भारतीय हवामान विभागाने जाहीर केले. त्याचबरोबर राज्यात तापमानाचा पाराही वाढू लागला आहे. मुंबई, रायगड आणि रत्नागिरी जिल्ह्यांत तुरळक ठिकाणी उष्णतेच्या लाटेचा इशारा देण्यात आला आहे. वृत्त...२

ॲन कार्सन यांना साहित्याचे नोबेल

स्टॉकहोम : कॅनडाच्या कवयित्री, निबंधलेखिका आणि अनुवादक ॲन कार्सन यांना गुरुवारी साहित्यातील नोबेल पारितोषिक जाहीर झाले. प्राचीन आणि आधुनिकतेचा संगम घडवणाऱ्या, साहित्यप्रकारांच्या सीमा मोडणाऱ्या आणि खेळकर शैलीतील लेखनासाठी त्या ओळखल्या जातात. वृत्त...१३

एअर इंडिया, अकासाचा प्रवास महाग

मुंबई : एअर इंडिया, एअर इंडिया एक्स्प्रेस आणि अकासा एअरने देशांतर्गत तसेच काही आंतरराष्ट्रीय मार्गांवरील इंधन अधिभारात वाढ जाहीर केली आहे. त्यामुळे या कंपन्यांच्या तिकिटांच्या किमती वाढणार आहेत. विमान इंधनाच्या किमती वाढल्याने हा निर्णय घेण्यात आला आहे. यापूर्वी इंडिगोनेही इंधन अधिभारात वाढ केली होती. वृत्त...२