अलोट गर्दीचे सीमोल्लंघन
Contributed by: म. टा. प्रतिनिधी,छत्रपती संभाजीनगर|महाराष्ट्र टाइम्स.कॉम•
शक्तीचे प्रतीक असणाऱ्या नवरात्रोत्सवाची साडेतीन मुहूर्तांपैकी एक असलेल्या दसऱ्याच्या दिवशी उत्साहात सांगता झाली. शहराचे ग्रामदैवत कर्णपुरा देवीच्या यात्रेत दरवर्षाप्रमाणे यंदाही मोठा उत्साह राहिला. भवानी मातेची सायंकाळी आरती झाली. त्यानंतर श्री बालाजी मंदिरात महाआरती करून रथयात्रेला प्रारंभ करण्यात आला. अत्यंत सुंदर रंगरंगोटी केलेल्या रथाला दोरखंड बांधण्यात आले होते. मंदिराकडून सीमोल्लंघनासाठी निघालेला रथ व श्री बालाजीच्या मूर्तीचे दर्शन घेण्यासाठी कर्णपुरा यात्रेतील मुख्य रस्त्याच्या दोन्ही बाजूंनी भाविकांनी प्रचंड गर्दी केली होती. ठिकठिकाणी बालाजी रथावर रेवड्यांची उधळण करण्यात आली. तर परंपरेनुसार चार ठिकाणी आरती व दोन ठिकाणी औक्षण करण्यात आले. याप्रसंगी पोलिस आयुक्त प्रवीण पवार, माजी महापौर नंदकुमार घोडले, गजानन बारवाल, संजय बारवाल, अभिजीत जीवनवाल, संतोष मरमठ, धर्मराज दानवे, संतोष दानवे यांच्यासह भाविक उपस्थित होते. पंचवटी चौकापर्यंत ही रथ यात्रा काढण्यात आली.
हेही वाचा
ऋतुराजचेही शतक
दुसऱ्या दिवशी सोन्याची लयलूट
इजिप्तचे प्रशिक्षक, खेळाडू निलंबित
भारतीय महिलांचा धडाका कायम
वैभव सूर्यवंशीला रोखण्यासाठी तयारी
पाचशे कोटी कोणाला दिले?
तुमच्या मदतीसाठी चोवीस तास तत्पर
श्रीरामचंद्रांच्या जयघोषात रावणदहन
घटत्या दराने सोने बाजारास उभारी
विद्यापीठात कार्यशाळा