बिबट्याच्या हल्ल्यात मेंढपाळ महिला ठार
Contributed by: म. टा. वृत्तसेवा,सटाणा|महाराष्ट्र टाइम्स.कॉम•
शोभाबाई बोरकर आणि त्यांचे पती सुखदेव बोरकर हे गेल्या महिनाभरापासून ठेंगोडा शिवारात बंटी सुदाम बोरसे यांच्या ठेंगोडा ते सावकी शिवारातील शेतात मेंढपाळ म्हणून काही दिवसांपूर्वी वास्तव्यास आले होते. मंगळवारी पहाटे सुमारे चार वाजेच्या सुमारास शोभाबाई या शौचालयासाठी गेल्या असता, बिबट्याने त्यांच्यावर हल्ला केला. हल्ल्यानंतर बिबट्याने त्यांना सुमारे ३०० ते ४०० मीटर अंतरावर ओढत नेले. तेथील काटेरी झुडपांमध्ये ठिकठिकाणी लचके तोडलेल्या अवस्थेत त्यांचा मृतदेह आढळून आला. त्यांच्या चेहरा, मान व पाय तसेच शरीराच्या विविध भागांवर बिबट्याच्या हल्ल्याच्या जखमांतून रक्तस्राव झाल्याने त्यांचा जागीच मृत्यू झाला. दुपारी १२ वाजता सटाणा येथे शासकीय रुग्णालयात शवविच्छेदन करण्यात आले.या घटनेमुळे ठेंगोडा शिवारासह परिसरातील शेतकरी, मेंढपाळ आणि मजुरांमध्ये भीतीचे वातावरण पसरले आहे. सटाणा, देवळा, नाशिक येथील वनविभागाचे कर्मचारी व जवानांचा ताफा, नरभक्षक बिबट्याचा शोध घेण्यासाठी सावकी व ठेंगाढा शिवारात तातडीने दाखल झाला आहे.
हेही वाचा
ऋतुराजचेही शतक
दुसऱ्या दिवशी सोन्याची लयलूट
इजिप्तचे प्रशिक्षक, खेळाडू निलंबित
भारतीय महिलांचा धडाका कायम
वैभव सूर्यवंशीला रोखण्यासाठी तयारी
पाचशे कोटी कोणाला दिले?
तुमच्या मदतीसाठी चोवीस तास तत्पर
श्रीरामचंद्रांच्या जयघोषात रावणदहन
घटत्या दराने सोने बाजारास उभारी
विद्यापीठात कार्यशाळा
