पाकमध्ये पाच जण ठार

Contributed by: इस्लामाबाद|महाराष्ट्र टाइम्स•

पाकिस्तानमध्ये इस्रायलच्या गाझा अत्याचाराविरोधात काढलेला मोर्चा हिंसक झाला. लाहोरमधून सुरू झालेल्या या मोर्चाला मुरिदके येथे पोलिसांनी अडवले. चर्चा फिसकटल्यानंतर आंदोलक आणि पोलिसांमध्ये धुमश्चक्री उडाली. यात एका पोलिसासह पाच जण ठार झाले तर ४८ जण जखमी झाले. आंदोलकांनी काठ्या, विटा, पेट्रोल बॉम्ब आणि बंदुकांचा वापर केला. अनेक वाहनांचेही नुकसान झाले.

पाकमध्ये पाच जण ठार
इस्रायलच्या गाझातील अत्याचाराविरोधात आणि पॅलेस्टिनींच्या समर्थनार्थ पाकिस्तानातील तेहरिक-ए-लब्बैक पाकिस्तान (टीएलपी) पक्षाने लाहोरमधून काढलेला मोर्चा हिंसक वळणावर पोहोचला. गाझामध्ये शांतता प्रस्थापित झाल्याने या मोर्चाचे रूपांतर 'गाझा मोर्चा'त झाले होते. सोमवारी आंदोलक आणि पोलिसांमध्ये झालेल्या जोरदार संघर्षात एका पोलिसासह पाच जणांचा मृत्यू झाला, तर ४८ जण जखमी झाले. टीएलपीच्या हजारो समर्थकांनी शुक्रवारपासून लाहोरमधून हा मोर्चा सुरू केला होता. इस्लामाबादमधील अमेरिकेच्या दूतावासासमोर धरणे आंदोलन करणे हे या मोर्चाचे मुख्य उद्दिष्ट होते.

सोमवारी, लाहोरपासून सुमारे ४० किलोमीटर अंतरावर असलेल्या मुरिदके येथे पोलिसांनी हा मोर्चा अडवला. पोलिसांनी आंदोलकांच्या प्रतिनिधींशी चर्चा करण्याचा प्रयत्न केला. गाझामध्ये शांतता प्रक्रिया सुरू झाल्यामुळे आंदोलकांनी परत फिरावे, अशी विनंती पोलिसांनी केली. मात्र, ही चर्चा अयशस्वी ठरली. यानंतर पोलिसांनी बळाचा वापर करण्यास सुरुवात केली.
पोलिस आणि आंदोलकांमध्ये सुमारे पाच तास जोरदार धुमश्चक्री चालली. या संघर्षात आंदोलकांनी काठ्या, विटा, पेट्रोल बॉम्ब आणि बंदुकांचा वापर केला. तसेच, अनेक वाहनांचेही नुकसान केले. या हिंसक घटनेत एकूण पाच जणांचा मृत्यू झाला, ज्यात एका पोलिसाचा समावेश आहे. तर, ४८ जण जखमी झाले आहेत. टीएलपीच्या हजारो समर्थकांनी शुक्रवारपासून हा मोर्चा सुरू केला होता.

हेही वाचा