एआयच्या मदतीने बनवले रेल्वे तिकीट
महाराष्ट्र टाइम्स•
कृत्रिम बुद्धिमत्तेचा (एआय) वापर करून बनावट कागदपत्रे तयार करण्याचे प्रकार वाढत असतानाच आता रेल्वेच्या तिकीट व्यवस्थेलाही त्याचा फटका बसू लागला आहे. एआयच्या मदतीने यूटीएस ॲपवरील ऑनलाइन तिकिटासारखे दिसणारे बनावट तिकीट तयार करून प्रवास करणाऱ्या तरुणीसह तिघांना मध्य रेल्वेच्या पोलिसांनी ताब्यात घेतले. तिकीट निरीक्षकाच्या सतर्कतेमुळे हा प्रकार उघडकीस आला.मध्य रेल्वेकडून मिळालेल्या माहितीनुसार, तिकीट निरीक्षक हेमंत काळे हे सहकाऱ्यांसह गाडी क्रमांक ११४०४ कोल्हापूर-नागपूर एक्स्प्रेसमध्ये तिकीट तपासत होते. यावेळी त्यांनी दोन तरुण आणि एका तरुणीकडे तिकिटांची मागणी केली. तिघांनी मोबाइलमधील ‘माय फाइल’च्या डॉक्युमेंट फोल्डरमध्ये सेव्ह केलेले यूटीएसवरील ऑनलाइन तिकीट दाखवले. मात्र, तिघांच्या तिकिटांवर एकच यूटीएस क्रमांक असल्याचे काळे यांच्या निदर्शनास आले. त्यामुळे त्यांना संशय आला. त्यांनी तिघांना यूटीएस ॲपमध्ये तिकीट दाखवण्यास सांगितले. परंतु, तिघांनाही ॲपवर तिकीट दाखवता आले नाही. त्यानंतर केलेल्या पडताळणीत त्यांनी दाखवलेले तिकीट बनावट असल्याचे स्पष्ट झाले. रेल्वे सुरक्षा दलाच्या कर्मचाऱ्यांनी तिघांना ताब्यात घेतले. चौकशीत त्यांनी एआयच्या मदतीने मूळ यूटीएस तिकिटासारखे दिसणारे बनावट तिकीट तयार केल्याचे समोर आले.
हेही वाचा
स्पोर्ट्स हबच्या विकासाला गती
विद्यापीठात रोजगार महाकुंभ
बनावट दागिन्यांद्वारे ‘मुथूट’ला गंडा
कर्करोग जनजागृती शिबिराला प्रतिसाद
गांजा बाळगणाऱ्या विद्यार्थ्यांना अटक
‘जीडीपी ३८ लाख कोटी डॉलरवर पोचेल’
घरांच्या किमतीत ६३ टक्के वाढ
पाटील दाम्पत्याची ‘हायरॉक्स’ स्पर्धेत बाजी
‘गांधीबागेतील वाहतूक कोंडी सोडवा’
निवृत्त वायुसैनिक व कुटुंबीयांचा सन्मान
