मुरबाडला पर्यटन तालुक्याचे वेध
महाराष्ट्र टाइम्स.कॉम•
स्थानिक आमदार किसन कथोरे यांनी मुख्यमंत्र्यांकडे मुरबाड तालुक्याला पर्यटन तालुक्याचा दर्जा देण्याचा प्रस्ताव सादर केला आहे. त्यानुसार आता सविस्तर अहवाल मागविण्यात आला आहे. ठाणे, मुंबईतून एका दिवसात सहजपणे जाऊन येता येईल इतक्या अंतरावर असलेल्या मुरबाड तालुक्यात अनेक पर्यटनस्थळे आहेत. त्यामुळे येथे वर्षभर पर्यटकांचा राबता असतो. विशेषतः पावसाळ्यात पर्यटक मोठ्या प्रमाणात येतात. पर्यटनस्थळांचा नियोजनबद्ध पद्धतीने विकास झाल्यास त्या माध्यमातून स्थानिकांना मोठ्या प्रमाणात रोजगार उपलब्ध होऊ शकेल, असे प्रस्तावात नमूद करण्यात आले आहे.कल्याण-अहिल्यानगर महामार्गावरील माळशेज घाट हे पर्यटकांचे मुख्य आकर्षण आहे. याशिवाय ऐतिहासिक नाणेघाट, दऱ्या घाट, घनदाट अरण्ये आणि काळू धबधब्यासारखी साहसी पर्यटनस्थळे तालुक्यात आहेत. नाणेघाट आणि दऱ्या घाट हे प्राचीन व्यापारी मार्ग आहेत. सिद्धगड, गोरखगड, मच्छिंद्रगड यांसारखे शिवकालीन किल्लेही तालुक्यात आहेत. म्हसा येथील खांब लिंगेश्वर मंदिर परिसरात जानेवारी महिन्यात ठाणे जिल्ह्यातील सर्वांत मोठी जत्रा भरते. या जत्रेत कोट्यवधी रुपयांची उलाढाल होते. मुंबई, ठाणे, रायगड, अहिल्यानगर, पुणे आदी भागांतून यात्रेकरू आणि व्यापारी जत्रेला येतात.
पाडाळे, पवाळे, बारवी धरण आणि काळू नदीपात्रात बोटिंग, हाऊसबोट व फ्लोटिंग सुविधा यांसारख्या जलक्रीडा सुविधा उपलब्ध करून देणे शक्य आहे. धसई गावाजवळील पळू-सोनावळे येथे डोंगरात ‘गणेश गडद’ ही प्राचीन वैशिष्ट्यपूर्ण लेणी आहेत. तालुक्यात संगमेश्वर मंदिरासह अनेक प्राचीन देवस्थाने आहेत.
हेही वाचा
‘गदिमां’च्या गीतांचा नजराणा
शि जिनपिंग करणार ट्रम्प यांच्याशी चर्चा
‘दुर्गराज्या’च्या देखा व्यातून जनजागृतीचा जागर
५८६ कोटींचा संरक्षण करार
रूप पाहता गेलो हरखून
घरच्या गणपतीला जुन्या वैभवाचा साज
निहाल सरीनची घोडचूक महागात
मुला-मुलीचा छळ; तीन जण अटकेत
‘उत्सवातील विद्युत सुरक्षेबाबत दक्षता घ्या’
मंथनची पखवाज साधना!
