मंडपातच घडते तीर्थयात्रा
महाराष्ट्र टाइम्स.कॉम•
अनेकांना देशातील विविध धार्मिक स्थळांना प्रत्यक्ष भेट देण्याची इच्छा असते; मात्र प्रत्येकालाच ते शक्य होतेच असे नाही. त्यामुळे अशा भाविकांना मुंबईतच त्या धार्मिक स्थळाचे दर्शन घेता यावे, या भावनेतून मंडळाने ही परंपरा सुरू ठेवली आहे. यंदा मंडळाने कृष्ण नगरी साकारली आहे. यामध्ये कृष्णाच्या जन्मापासून पुढील आयुष्यातील टप्पे मांडण्यात आले आहेत. यापूर्वी मंडळातर्फे अक्कलकोट, वैष्णोदेवी मंदिरासह शिवराज्याभिषेक सोहळ्यासारख्या ऐतिहासिक विषयांवरील देखावे साकारण्यात आले आहेत. दरवर्षी वेगळा विषय निवडून त्याची प्रतिकृती उभारल्यामुळे मंडपात येणाऱ्या भाविकांना गणरायाच्या दर्शनासोबतच काहीतरी वेगळे पाहण्याची संधी मिळते. ‘अनेकांना ही धार्मिक स्थळे प्रत्यक्ष पाहता येत नाहीत. त्यामुळे आमच्या माध्यमातून त्यांना मुंबईतच त्या स्थळाचे दर्शन घेता यावे, या भावनेतून आम्ही दरवर्षी अशा प्रतिकृती साकारतो. हे देखावे लोकांनाही फार आवडतात,’ असे मंडळाचे खजिनदार संदीप आंबेरकर यांनी सांगितले. सजावटीच्या क्षेत्रातही श्री सार्वजनिक गणेशोत्सव मंडळ, पारसीवाडा यांनी वेगळी ओळख निर्माण केली आहे. अध्यक्ष संदीप दळवी आणि खजिनदार आंबेरकर यांच्या मार्गदर्शनाखाली मंडळाची ६३ वर्षांची वाटचाल आजही भक्ती, परंपरा, कला व संस्कृतीची सांगड घालत सुरू आहे.
हेही वाचा
सूर निरागस हो...
साधेपणाचा ‘सोहळा’
पर्यावरणरक्षण, शैक्षणिक मदतीचा निरंतर संकल्प
आत्म्याशी नाते जोडतो!
परतीच्या प्रवासासाठी चार विशेष रेल्वे
‘मराठा आरक्षण’ सुनावणी नव्याने
ऑस्करवारीसाठी ‘गोंधळ’ची निवड
आजपासून विशेष शिबिर
ममतांना ‘फुटबॉलपटू’, बंडखोरांना ‘लिफाफा’
विसर्जनादरम्यान दोघांचा बुडून मृत्यू